ადვოკატი, ლედი ტუკვაძე, სოციალურ ქსელში, წერს:
“თუ სურვილი გაქვთ წაიკითხეთ❗️❗️❗️
სიღარიბემ მეგობრები შეკრიბა. სიდუხჭირე, უბედობა, უსიყვარულობა, უგანაჩენობა – სადაც სიღარიბეა თითქმის მათი საძმოს ამბები უ – თი იწყება !!!
ის, რომ სხვებივით არ გაქვს ფუფუნების საგნები ეს სულაც არ ნიშნავს იმ სისასტიკეში ცხოვრებას, რასაც ამ წუთისოფელში დუღჭირ ადამიანებს უწევთ.
ეს ამბავი არც ჩემი გამოგონილი ისტორიაა და არც მიმატებული , დასამძიმებლად მიწეპებული დრამა. ეს რეალობაა, აქ საქართველოში, ქუთაისში დაწყებული ბიჭის ამბავი.
როცა არასწლოვანთა მართმსაჯულებაზე ვინმე გრანტს მოიგებს და ლექცია-სემინარებს წაიკითხავს, ეს ამბავი რაღაც მაგალითად მინდა გამოადგეს!!!
ავტოქარხანა, ქუთაისში ყველამ იცით. ის როგორც ავანგარდი მუშათა დასახლება იყო, სადაც ამ ქარხნებში დასაქმებული ადამიანების 90% ცხოვრობდა. იქმნებოდა ოჯახები, შენდებოდა ქარხნის უბნებში სახლები, იყო ხალისი, მისვლა-მოსვლა და მომავალის იმედი ….
90-იანი წლების სასტიკი განაჩენი, დახურული ქარხნები, მოკლედ ვინც გადარჩა გადარჩა, ვინც ვერა, გახდა სიღარიბის მეგობრების, მეგობარი.
არ ახსოვს ბავშობის მთელი სათამაშო, ახალი ტანსაცმელი, ახსოვს სულ დარდიანი დედა და მამა, როცა მოკრძალებულად სკოლის კარებთან იცდიდნენ, ალბათ რამდენი დამცირება, რამდენი ბავშვური ნატვრა და სურვილი დარჩა აუსრულებელი, მეტი ვერ იფიქრა … და 17 წლის ასაკში ჩაიდინა დანაშაული…. უგანაჩენობა აქაც დაეწია? მისიც, სხვისიც, ყველაფერი უპატრონოს დაბრალდა, იდგნენ ასე მოკრძალებულად ახალგაზრდა, შიმშილით, დარდით მალე დაბერებული ხელ ჩაკიდებული დედ- მამა ციხის კარებთან, დაგლეჯილი ხელებით, ვერ გაყიდული სიმწრით მოწნული კალათები, ბაზრის შესასვლელთან ცოტა გაყიდული “პრიანიკებით” ნაკოწიწები მოკრძალებული “პერედაჩებით”….?
ასე გავიდა სამი წელი ….
გამოვიდა….
ციხიდან ხომ კარგი უნარ ჩვევებით არავინ გამოდის.. (შეეცადა რეალობის შეცვლას ვერ შეცვალა… კოვიდი დახვდა. არაუშავს ჩვენ ხომ ამ წუთისოფელმა სიცოცხლე მაინც მოგვცა … იმედი?
სიკვდილიც მოვიდა…. ჯერ მამა მოუკვდა, დედამ მისი ხელჩამკიდებლის გარეშე 3 დღე იცოცხლა, ბაბუამ შვილების გარეშე 9 დღემდე, ბებიამ გაუძლო სამი თვე… ისიც წავიდა ამ ჯოჯოხეთიდან.
– ჭამე, – კეთილი, შორეული ბიჭი ნათესავი…
-ეს რა არი?
-ქაბაბი გქვია ამ საჭმელს
– ამას??
-ჩაშუშულია ეს!!!
-უი, პირველად ვჭამ არ ვიცი.
არ გჯერათ? მე მჯერა, ვიცი კიდეც, სხვისი ობლები გამიზრდია, ვიცი როგორ არ იცოდნენ და ვერ არჩევდნენ “ნაბეღლავს”, “კოკა-კოლას” და “ფანტას” ეთმანეთისგან.
იქ, იმ კეთილ ბიჭთან მისვლაც რცხვენია, ტყუილად არ ჩერდება, ეხმარება, მაგრამ მაინც…. ზის მარტო, დაობებული სახლის დაგლეჯილ კედლებში (სიბნელეა ირგვლივ …. და რაღაცა უცებ სხივი გამოჩნდა, გოგო..? იმედი? ხელი სთხოვა … დასთანხმდა … მთელი დღე ვერცხლეულის მაღაზიაში მის დასანიშს ბეჭედს არჩევდა, ცოლი უნდა მოიყვანოს… რა არ ინატრა, ალბათ, მის წარმოსახვაში, ჩვენთვის რომ ყოველდღიურობაა სუფრა (ჩვენთვის ერთი ჩვეულებრივი სადილი, ერთი კაბა ოღონდ თეთრი, ერთი პატარა ვერცხლის ბეჭედი?ხოდა ისევ სისულელე !!!
ციხიდან პირველი მის საცოლეს დაურეკა, ხელი სთხოვა, ეშინია მისი უკანასკნელი იმედის დაკარგვის… ანდა ვიღაც რომ გამოჩენილიყო მის ცხოვრებაში, გვერდით მდგომელი? წამჯიკავებელი, კარგი დამრიგებელი, ხელის გამწოდებელი?ხომ შეიძლება სხვანაირად ყოფილიყო ყველაფერი…
ეს ისტორია როცა მომიყვეს ვერ ვიჯერებდი და როცა პირადად მისგან მოვისმინე ბევრი ვიტირეთ ერთად… გავიგე , რომ ციხეში ქორწინებას გარკვეული თანხა სჭირდება , არაუშავს გადავიხდი, თეთრ კაბასაც ჩავაცმევ მის იმედ გოგოს და დასანიშნ, ოქროს ბეჭედს ვუყიდი …
ვინც მიცნობთ ასეთებს სულ უხმოდ ვაკეთებ და აქ თქვენთან საკეკლუცოდ არ დამიწერია ?აი, თქვენ ჩემზე მეტი რომ შეგიძლიათ მათთვის დავწერე სათხოვნელად, აქ არ იფიქროთ, რომ დანაშაულს ვახალისებდე ან ვამართლებდე ?თუმცა ისიც ცნობილი ფაქტია, 10 მანეთის ქურდს ციხეს დაუშენებენ თავზე მილიონის მომპარავს, ქვეყნის მართვას ჩააბარებენ, გახდიან ან პოლიტიკოსს ან ბიზნესმენსს. ნუ დავტოვებთ!!!! ნუ ავუკრავთ ისევ ხელს!!! ? მომაფიქრებინეთ რამე??ერთი შანსი სულ არსებობს??? შექმნას მისი ბუდე? გამოვჩნდეს მის ცხოვრებაში კარგი ადამიანები, მივცეთ კარგი მაგალითები, დავანახოთ რომ ცხოვრებაში სხვა ღირებულებებიც არსებობს და როცა მივალთ ?ციხიდან გამოსწორებული მე არავინ მინახავს!!! ერთხელ ვცადე და გამომივიდა ? დღეს იმ ბიჭს ტკბილი ოჯახი აქვს, დაიყენა მისმა სიდედრმა გვერდით და ავარგა? ზუსტად ვიცი ესეც ასე იზამს…
არ იქირქილოდ ახლა აქ… თქვენი სავსე სტომაქით არ განმისაჯოთ ბიჭი (არ დაიწყოთ ჭკუის დარიგებები!!! მოვეხმაროთ ბიჭს!!! წმინდა გიორგის ხატთან სანთლის დასანთებად რომ მივალთ, სინდისი მაინც არ შეგვაწუხებს, მისი სეხნია ბიჭი ამ გველეშაპ ცხოვრებასთან მარტო რომ არ დავტოვეთ სასიკვდილოდ !!!!
საქართველოს პროკურატურა / The Prosecution Service of Georgia”
კომენტარები