ტვ პირველის ინფორმაციით, 47 წლის ჯაბა ჯავაშვილს, ირაკლი ღარიბაშვილის ოჯახის ერთ ერთი მსახურის ნათესავები დაესხნენ და სასტიკად სცემეს, თუმცა, ახლა ციხეში იქეთ უშვებენ, რადგან საქმეში პრემიერის მამის მძღოლი, გივი დიდებაშვილი ფიგურირებს.
დედოფლისწყაროს რაიონის სოფელ ქვემო ქედის მკვიდრი ტვ პირველთან ამტკიცებს, რომ ძმებმა დიდებაშვილებმა მასზე სასტიკად იძალადეს. სხეულზე დაზიანებები სამედიცინო შემოწმებითაც დასტურდება, თუმცა თავდამსხმელი ძმების წინააღმდეგ საჩივრის დაწერა, როგორც თავად ამტკიცებს, პოლიციამ აუკრძალა.
მისივე თქმით, თავდაპირველად, გასაჩუმებლად ყოფილი პოლიციელი მიუგზავნეს, შემდეგ კი დაჭერით დაემუქრნენ თუ ღარიბაშვილის მამის, სანდო კაცის ნათესავებს პოლიციაში უჩივლებდა.
კომენტარები