,, წერეთლის გამზირის მოსახლეობის წამების იარაღად იქცა ეს რეაბილიტაცია” – მანანა ნაჭყებია

ყოფილი პარლამენტარი მანანა ნაჭყებია სოციალურ ქსელში წერს:

,,იქნებ, ვინც იცის ქუჩების რეაბილიტაციის პროცესი როგორ უნდა მიმდინარეობდეს, აგვიხსნას, რამდენად ნორმალურია ყოველ მეორე დღეს ხან -12, ხან -24 საათით შეწყდეს წყლის მიწოდება? პრაქტიკულად, წერეთლის გამზირის მოსახლეობის წამების იარაღად იქცა ეს რეაბილიტაცია.16 აპრილიდან დღემდე ასეთ დღეში ვართ და წინ რა გველის კიდდვ არ ვიცით! არგუმენტი, რომ კომუნიკაციების გამოცვლა აუცილებელი იყო, დაუჯერებელია, იმიტომ, რომ აქ პრაქტიკულად წყალი არ წყდებოდა, ანუ მილებს პრობლემა არ ჰქონდა, არც სკდებოდა და არც საცერივით დახვრეტილი იყო, როგორც გვიმტკიცებენ. ქალაქის მერი თბილისში მიმდინარე ამ მასშტაბური პროექტის მიმდინარეობით არ უნდა ინტერესდებიდეს? არ უნდა გაერკვეს, როგორ ახერხებენ ასე ყოველდღე დააზიანონ ქსელი? იცოცხლე, კარგია რეაბილიტაცია, მაგრამ კარგია პროფესიონალურად შესრულებული და არა ასეთი კატასტროფა, რაც დღეს წერეთელზე ხდება! “ქუჩის რეაბილიტაცია, როგორც მოქალაქეთა წამების იარაღი”! რეალურად ეს გამოგივიდა კახი! რამე დაგიშავეთ?”