ამერიკის სამშვიდობო გეგმის დეტალების განსახილველად ტრამპის სპეციალური წარმომადგენელი, სტივ უიტკოფი ვლადიმერ პუტინთან შესახვედრად მოსკოვში მომავალ კვირას გაემგზავრება. Air Force One-ის ბორტზე ჟურნალისტებთან საუბრის დროს, ტრამპმა არ გამორიცხა, რომ შეხვედრას მისი სიძე ჯარედ კუშნერიც დაესწროს. მანვე უპასუხა ომის დასრულების ვადებთან დაკავშირებით დასმულ შეკითხვას.
“ჩემთვის ვადა მაშინ არის, როდესაც ეს დასრულდება”, – ამბობს პრეზიდენტი. მისივე თქმით, გარკვეული სადავო საკითხები ტერიტორიას ეხება და რომ რუსეთი ზოგიერთ საწყის ნაბიჯს დათანხმდა.
“ისინი დათმობებზე მიდიან. მათი დიდი დათმობა ის არის, რომ წყვეტენ ბრძოლას და აღარ იკავებენ ტერიტორიებს”, – აღნიშნა პრეზიდენტმა.
კომენტარები