ტრამპი აცხადებს, რომ ჰორმუზის სრუტის გავლისთვის გადასახადი არ დაწესდება. ამის შესახებ აშშ-ის პრეზიდენტი Truth Social-ზე წერს
„ცეცხლის შეწყვეტის 60-დღიანი პერიოდის განმავლობაში ჰორმუზის სრუტეში არ იქნება არანაირი გადასახადი. არც 60-დღიანი ვადის გასვლის შემდეგ იქნება გადასახადები, გარდა იმ შემთხვევისა, თუ შეთანხმება არ გაფორმდება იმ მომსახურებისთვის, რომელიც აშშ-მა გაუწია ახლო აღმოსავლეთის ქვეყნებს, როგორც მათმა „მფარველმა ანგელოზმა“ წარსული, მიმდინარე და მომავალი ხარჯების ანაზღაურების მიზნით“ | დაწერა ტრამპმა
ამის მიუხედავად, გუშინ ირანის რევოლუციური გვარდიის კორპუსის საზღვაო ძალებმა გაავრცელეს განცხადება, სადაც ნათქვამია: “არ მიუახლოვდეთ ჰორმუზის სრუტეს. წინააღმდეგ შემთხვევაში, თქვენი უსაფრთხოება საფრთხის ქვეშ დადგება“. ირანული მხარის განცხადებით, აშშ-მა და ისრაელმა ლიბანში ცეცხლის შეწყვეტის შეთანხმება დაარღვიეს, რის გამოც ჰორმუზის სრუტე ისევ ჩაკეტეს. სრუტე ირან-აშშ-ს შორის, 18 ივნისს 14-პუნქტიანი მემორანდუმის გაფორმების შემდეგ გაიხსნა. აღსანიშნავია, რომ თავად ისრაელს ოფიციალურად არასდროს განუცხადებია, რომ ცეცხლს შეწყვეტდა ან ამერიკა-ირანის შეთანხმების პირობებს შეუერთდებოდა.
კომენტარები