იუსტიციის მინისტრი კატეგორიულად გამორიცხავს მიხეილ სააკაშვილის სამოქალაქო კლინიკაში გადაყვანის შესაძლებლობას. რატი ბრეგაძე სოციალურ ქსელში ნიკოლოზ ყიფშიძის განცხადებას ეხმაურება, რომელიც სააკაშვილის პირადმა ექიმმა რამდენიმე საათის წინ, ციხიდან გამოსვლის შემდეგ გააკეთა:
,,მოვისმინე ნიკოლოზ ყიფშიძის კომენტარი, რომლის თანახმადაც თითქოს ჩემთან შეხვედრაზე საუბარი იყო პატიმარ სააკაშვილის სამოქალაქო კლინიკაში გადაყვანაზე და თითქოს ამაზე ვმსჯელობდით.
სრული პასუხისმგებლობით ვამბობ, ეს არის სიცრუე!
ექიმების ჯგუფთან შეხვედრაზე ვისაუბრეთ ბევრ საკითხზე, მაგრამ ერთი სიტყვაც არ თქმულა სამოქალაქო კლინიკაზე.
ტყუილს მოკლე ფეხი აქვს. დანარჩენზე მერე ვისაუბრებთ.”
კომენტარები