“ტყუილი პრემიერისგან! ტყუილი და ფლიდობა” – ტაბლიაშვილი

ჯერ მისი განცხადება ვნახოთ:

=========================

ყველა მედიასაშუალებას და თითოეულ ჟურნალისტს გულითადად გილოცავთ პრესის თავისუფლების საერთაშორისო დღეს.

ფასეულობებსა და პროფესიონალიზმზე დაფუძნებული, თავისუფალი და დამოუკიდებელი პრესა ქვეყნის დემოკრატიულობის ერთ-ერთი უმთავრესი განმსაზღვრელია. ქართულმა მედიამ დამოუკიდებლობის მოპოვების დღიდან ურთულესი გზა გაიარა, გაუძლო მრავალ გამოწვევას, შევიწროებასა თუ ზეწოლას.

ხელისუფლებაში მოსვლის დღიდან ჩვენმა პოლიტიკურმა გუნდმა ერთ-ერთ უმთავრეს ამოცანად სწორედ პრესის დამოუკიდებლობის უზრუნველყოფა დაისახა. ამ მიზნით გავატარეთ არაერთი რეფორმა. დღეს ქართული მედიასივრცე პლურალისტური და თავისუფალია, ყველა პირობაა შექმნილი ჟურნალისტიკის გაძლიერებისა და შემდგომი განვითარებისთვის. პრესის თავისუფლების ინდექსით საქართველო რეგიონში უდავო ლიდერია და არაერთ ევროკავშირის წევრ სახელმწიფოსაც უსწრებს. ეს ყველაფერი ხელისუფლებისა და საზოგადოების, მთლიანად ჩვენი ქვეყნის უმნიშვნელოვანესი მონაპოვარია. ჩვენი ხელისუფლება მოწოდებულია, ხელი შეუწყოს პრესის თავისუფლების კიდევ უფრო განვითარებას.

კვლავაც თანადგომას გპირდებით და შემდგომ წარმატებებს გისურვებთ პროფესიულ საქმიანობაში.

საქართველოს პრემიერ-მინისტრი

ირაკლი ღარიბაშვილი

================================

თუ ეს მოლოცვა გულწრფელია, მაშინ, ახსენით! რატომ უწოდებთ ჟურნალისტებს ზონდერებს; ნაც.მოძრაობის მონებს; ანგაჟირებულებს და მონებს!

ხოლო თუ გულწრფელი არაა, მაშინ რატომ გვილოცავთ?

ან, იქნებ, ასავალ-დასავალს ულოცავთ და, აი, ფორმულას არა? ასეა?

==================================

და თუ ყველას გვილოცავთ, და თქვენი ხელისუფლება მოწოდებულია, რომ…

ნებისმიერი მინისტრი ან უმრავლესობის ნებისმიერი დეპუტატი მობრძანდეს ვთქვათ ჩემს გადაცემაში… და მე კი არა, დამიმტკიცოს თავისი სიმართლე.”