,, ტყუილად კი არ გვიწოდებდნენ დიდ საბჭოეთში “სოლნეჩნაია გრუზიას”, ოღონდ ეს შედარება დამამცირებელ ქვეტექსტებსაც შეიცავდა” – რომან გოცირიძე

პარლამენტარი რომან გოცირიძე:

,,ვიეტნამმა, რუსთისადმი კეთილგანწყობილმა სახელმწიფომ, რუსი მოქალაქეებისათვის ქვეყანაში უვიზო ყოფნა გაზარდა 15 დღიდან 45 დღემდე. როგორაა საქართველოში? 2015 წელს “ქართული ოცნების” მიერ მიღებული კანონით, რუსეთის მოქალაქეებს შეუძლიათ ფაქტობრივად სამუდამოდ დარჩნენ ქვეყანაში-ერთი წელი უპრობლემოდ, მერე ერთი წუთით უნდა გადავიდნენ რომელიმე მეზობელ ქვეყანაში, დაბრუნდნენ უკან და დროის ათვლა თავიდან იწყება.

უვიზო რეჟიმი კი არაა პრობლემა, რასაც წინა ხელისუფლებას უკიჟინებენ(რომელიც მხოლოდ 90 დღით დარჩენას ითვალისწინებდა ყოველ ექვს თვეში), არამედ ის მავნებლობა, რაც “ქართულმა ოცნებამ” ჩაიდინა ირაკლი ღარიბაშვილის პრემიერობის დროს და რომელიც ქართული ოცნების სამშენებლო ბიზნესის ინტერესებს იყო მორგებული. “იყიდე ბინა, დარჩი საქართველოში”, ეს ლოზუნგი ჰქონდა ხელისუფლებას და ათეულ ათასობით რუსეთის მოქალაქე დასახლდა საქართველოში, უზრუნველყოფილი საკუთარი ბინებით, უძრავი ქონებით, ბიზნესკომპანიებით.

აქ თბილიაო, უყვართ ხოლმე ხაზგასმა, როცა ეკითხებიან, რატომ გადმოსახლდითო. აბა რა, ტყუილად კი არ გვიწოდებდნენ დიდ საბჭოეთში “სოლნეჩნაია გრუზიას”, ოღონდ ეს შედარება დამამცირებელ ქვეტექსტებსაც შეიცავდა.”