“ტოჩნი ჟორა”, “ბოინა გოგია”, ოთხი კიტრი და ერთი პამიდორი” – ლაშა ნაცვლიშვილი

ყოფილი მაღალჩინოსანი, ლაშა ნაცვლიშვილი:

ლაგოდეხში ერთი კოლორიტული სომეხი ცხოვრობდა და მთელი ლაგოდეხი “ტოჩნი ჟორას” ეძახდა. პარტიაში რომ იღებდნენ, კითხვაზე, თუ როგორ პარტია იყო სკკპ, ჟორამ უპასუხა, კაპაესეს – ტოჩნი პარტიააო. ჰოდა, დაერქვა კიდეც ტოჩნი ჟორა. მოკლედ, ეს ჟორა იყო ფეხბურთის გიჟი და არარატის გადამკვდარი გულშემატკივარი. ერთ მშვენიერ დღეს, თბილისის დინამომ ერევანში გასვლითი თამაში ოთხით ერთი მოუგო არარატს. ნუ, იმ საღამოს ჟორას ვინ მიეკარებოდა, იწვოდა ლაგოდეხი მაგის საცოდაობით, მაგრამ დილის 6 საათზე მიადგა ჟორას სახლს მამაჩემი, ცხონებული ბოინა გოგია, თავის ცნობილი გაზ-21-ით და ატეხა სიგნალები. გამოვარდა ჟორა ნიფხავ-პერანგის ამარა, გოგი, რა ხდებაო. ცხონებული მამაჩემმა ოთხი უშველებელი შუშა კიტრი და ერთი პააატარა პამიდორი მიაწოდა, ბაზარში ვიყავი და გამოგიყოლეო. ნუ, ჟორას რა დაემართებოდა, აქ ნუ მომაყოლებთ