საქართველოს საზოგადოებრივ საქმეთა ინსტიტუტის (GIPA) პროფესორი, გიორგი კობერიძე
“იმ ფონზე, რომ აზერბაიჯანს ენერგოთვალსაზრისით ძალიან მყარი საერთაშორისო პოზიციები აქვს და ევროკავშირისათვის სასიცოცხლო არტერიაა, თურქეთი აქტიურად როლს თამაშობს ბაქოს გაძლიერებასა და გადაიარაღებაში და რაც მთავარია იმ გარემოების გათვალისწინებით, რომ რუსეთი ომს აგებს უკრაინაში, აზერბაიჯანის მხრიდან სამხედრო აქტივობები უშალოდ სომხეთთან მიმართებით მოულოდნელი არ არის. რთული სათქმელია საარტილერიო იერიშები და ცეცხლის სპორადული გახსნა რაიმე უფრო დიდში გადაიზრდება თუ არა, მაგრამ აზერბაიჯანის მხრიდან ძალის დემონსტრირება და სომხური ამუნიციის საწყობების განადგურება იმაზე მიუთითებს, რომ დღის წესრიგს სამხრეთ კავკასიაში რუსეთი ვეღარ ადგენს.
სომხეთი ცდილობს გიუმრის ბაზაზე მყოფი რუსული არმია უსაფრთხოებისათვის გამოიყენოს და რუსეთთან დადებული კოლექტიური უსაფრთხოების ხელშეკრულება აამოქმედოს, მაგრამ ნაკლებად სავარაუდოა, რუსეთს ახლა ამის საშუალება ჰქონდეს და აზერბაიჯანმა ეს კარგად იცის. სავარაუდოა, რუსეთი სიტუაციის დამშვიდებას შეეცდება. მეორეს მხრივ კი, ეს ვითარება ყარაბაღის სტატუსს კიდევ უფრო ცვლის – სომხეთისა და რუსეთისათვის სიგნალია, რომ თუკი არ დაჰყვება ერევანი და მოსკოვი ბაქოს მოთხოვნებს მაშინ აზერბაიჯანი ყველაფერზე იქნება წამსვლელი მათ შორის უშუალოდ სომხური პოზიციების დაბომბვაზეც კი – უშუალოდ სომხეთში.”
კომენტარები