“თუ ვინმემ ეს შემოგკადროთ, არცერთი არ მოხვიდეთ აქციაზე” – მდინარაძე

ქართული ოცნების ლიდერი მამუკა მდინარაძე, ხვალ, 27 ოქტომბერს, რუსთაველის გამზირზე დაგეგმილ ქართული ოცნების აქციაზე, ამბობს:

“ნებისმიერ ადამიანს, ვინც ახლა მისმენს, თუ ვინმემ შემოგკადროთ ფულის სანაცვლოდ წამოდი ხვალ აქციაზეო, არცერთი არ მოხვიდეთ. ხვალ იქნებიან ყველა, სრული შემადგენლობა და უმრავლესობა იმ ადმიანების, ვინც თავისი ნებით მოვლენ იმის მხარდასაჭერად, რომ უნდა იზეიმოს ყოველთვის სიმართლემ და სიკეთემ. სხვა ადამიანი იქ არ იქნება.”

შეგახსენებთ, ცოტა ხნის წინ, კახა კალაძემ განაცხადა:

“რა თქმა უნდა. ეს არის კვების ფული. ყველაფერი ოფიციალურად ხდება, არაფერი დამალული არ არის. თქვენ მიზანმიმართულად ამბობთ, რომ საჯარო სამსახურში დასაქმებულ ადამიანს არ აქვს აქციაზე მოსვლის უფლება – მათაც აქვთ უფლება. შეგიძლიათ მობრძანდეთ, შეგიძლიათ, მობილიზებაც გააკეთოთ, შეგიძლიათ, გამოიყენოთ შვებულებები. 

როცა ადამიანი მოგვყავს, უზრუნველვყოფთ კვების საფასურს, ამას პარტია აკეთებს. ეგ ოფიციალური ხარჯებია და ყველაფერი შეგიძლიათ ნახოთ. იმაზე ნაკლები ჯდება, ვიდრე ნაციონალურ მოძრაობას დაუჯდა აქციის ჩატარება”.