“თუ ეს ჰგონიათ, ძალიან სცდებიან” – სასამართლო დავა თავისივე სასამართლოში

ყოფილი პროკურორი მაია მწარიაშვილი უზენაესი სასამართლოს თავმჯდომარის განცხადებას, რომელმაც მის წინააღმდეგ სასამართლოში ჩივილი დააანონსა, პასუხობს და ამბობს:

თუ მათ ჰგონიათ, რომ უზენაესი სასამართლოს კიბეებიდან ჩატარებული ბრიფინგი უფრო მომგებიანია და მეტად შემაშინებელია ვინმესთვის, ძალიან ცდებიან. ძალიან ეჭვი მეპარება, მათ ჰქონდეთ მოლოდინი, რომ ამგვარად შემაშინებენ, ეჭვი მეპარება, მაგრამ ცალსახად დარწმუნებული ვარ, რომ მათ აქვთ ამოცანა, დააშინონ სხვა კოლეგები, რომლებმაც არ უნდა გამოთქვან დამოუკიდებელი და განსხვავებული აზრი, არ უნდა დასვან კითხვები მათი ქონების დასაბუთებასთან დაკავშირებით.

ამ ბრიფინგის ამოცანა იყო სწორედ სასამართლოში სარჩელის შეტანით მუქარა.

მინდა აგიხსნათ, რა შეიძლება იყოს ეს სარჩელი: ასეთ სარჩელებს ცივილიზებულ და დემოკრატიულად გავითარებულ ქვეყნებში ეძახიან აზრის გამოხატვის თავისუფლების წინააღმდეგ მიმართულ სარჩელებს და გავითარებული დემოკრატიის ქვეყნებში ასეთ სარჩელებს სასამართლო არ იღებს.

ჩვენ შემთხვევაში მიქაუტაძემ დააანონსა სასამართლო დავა თავისივე სასამართლოში, იმ სასამართლოში, სადაც დამოუკიდებელი აზრის გამოხატვა დასჯადია მოსამართლეებისთვისაც კი,.

გიორგი მიქაუტაძე ამტკიცებს, რომ  მაია მწარიაშვილი ცრუობს, როცა ამბობს, რომ მოსამართლის ოჯახმა წლის განმავლობაში დივიდენდის სახით მიიღო 14 000 ლარი მიიღო.

გიორგი მიქაუტაძე ამბობს, რომ იურისტ მაია მწარიაშვილს მის შესახებ „ცრუ ფაქტების” გავრცელების გამო სასამართლოში უჩივლებს