„თქვენი და თქვენი მეზობლის მთავარი იდეა თუ არის „თავისუფლება მიშას“, არ გამოვა“ – ნიკა მელიას რა სკანდალური ჩანაწერი გაავრცელა „იმედმა“

გლდანში როგორ მოვიგებდი, ორი თვით ადრე, ერთი თვით ადრე რა ვიცი, მართლა რომ გამოყო მილონი ლარი, ვერ გააკეთებ, – აცხადებს ნიკა მელია ვიდეომასალაში, რომელიც „იმედმა“ გაავრცელა და ტელეკომპანიის მტკიცებით, ვიდეოჩანაწერი „ქრონიკას“ მოქალაქემ მიაწოდა და ის გუშინ, საქალაქო სასამართლოს ეზოშია გადაღებული. ჩანაწერი მაშინაა გაკეთებული, როდესაც მიხეილ სააკაშვილის სასამართლო იმართებოდა, – ნათქვამია სიუჟეტში.

„გლდანში როგორ მოვიგებდი, ორი თვით ადრე, ერთი თვით ადრე რა ვიცი, მართლა რომ გამოყო მილონი ლარი, ვერ გააკეთებ. ძირითადი „ვალაკიტა“ და ძირითადი პრობლემები, როგორიც არის კომისია, წარმომადგენლები, ეს-ის, უფრო ადრე უნდა დაალაგო და არჩევნებში რომ შედიხარ, ეს 4-5 თვე უკვე სხვა რაღაცისთვის გჭირდება, რომ რეალურად ბრძოლაში ჩაება და ბევრად ადრე, 95% სანამ დაიწყებ ერთ თვიანს, ყველაფერი გაკეთებული უნდა გქონდეს და შენ უკვე როგორც პარტიის თავმჯდომარე უნდა გეგმავდე რაღაცეებს. ჩვენ პირდაპირ ფეხბურთის სათამაშოდ გავდივართ მოწინააღმდეგესთან ისე, რომ არ ვვარჯიშობთ, შორტებს ვიცვამთ, გავდივართ და დარწმუნებულები ვართ რომ მოვიგებთ“, – ისმის გავრცელებულ ვიდეოში.

„2008 წელს და 1921 წლის თებერვლის ბოლოს რომ ოკუპაცია მოხდა, ერთი და იგივე რამე იყო. რუსები რომ შემოდიოდნენ, საბჭოთა ჯარი რომ შემოდიოდა, მაშინ მოსახლეობის 30% რომ დარაზმულიყო, ვერ შემოვიდოდა, მაგრამ უთხრეს მიწები გლეხებსო, გესმით?, – ამბობს ნიკა მელია ვიდეომასალაში, რომელიც „იმედმა“ გააგვრცელა.

„გამოვიდა, რომ მარტო თავად-აზნაურები და ინტელექტუალები იბრძოდნენ, მეტი არავინ. 2008-შიც ეგრე იყო, ძირითადად აქტიური ადამიანები იყვნენ, თორემ მეგრელმა ტანკს გააყოლა თვალი. განცდა არ ჰქონდა ბევრს, როგორც 1921 წელს“, – ამბობს მელია ვიდეოჩანაწერში.

„ჩემი პარტნიორული, მეგობრული, კოლეგიალური გაფრთხილება იყო მიშასთვის, ვიცოდი ამერიკელების განწყობა და ევროპელების, ვეუბნებოდი, ხმას არ ამოიღებენ მეთქი, კატეგორიული წინააღმდეგი ვიყავი, ვიცოდი, რომ უცხოეთი მხარს არ დაუჭერდა.

ბრძოლაა, მაგრამ 50 პროცენტი, დღეს რომ ხელისუფლებაში არის ოცნება, არის ჩვენი ბრალი, ჩვენი უსუსურობაც. ჩუღურეთის რაიონის ძირითადი აქტივისტი, თავმჯდომარე რომ გეტყვის მე აქ გამმარჯვებელი არ ვარ, თუ ვიმუშავებთ კი. ჩვენ ავიღეთ „სამატიოკით“ ეს ხმები, ეს არის სიზარმაცის ბრალი. მაგიტომ ზარმაცობს ხალხიც, ჩვენი ძვირფასი ოჯახის წევრებივით უბნის უფროსების დონეზე რომ ქონებოდათ ურთიერთობა, იქ რომ ჩავდივარ ხო ვიცი უკვე, რომ თავი რომ ატკივდებოდათ უკვე ჩვენ გვირეკავენ, გამიგეთ რა და ასე ნუ მესაუბრებით“, – აცხადებს ნიკა მელია.

„თქვენი და თქვენი მეზობლის მთავარი იდეა თუ არის „თავისუფლება მიშას“, არ გამოვა, სხვა რამე უნდა იყოს“ – მიმართავს მელია მხარდამჭერებს:

„2008 წელს და ოცდაერთი წლის თებერვლის ბოლოს რომ ოკუპაცია მოხდა, ერთი და იგივე რამე იყო. რუსები რომ შემოდიოდნენ, საბჭოთა ჯარი რომ შემოდიოდა, მაშინ მოსახლეობის 30% რომ დარაზმულიყო, ვერ შემოვიდოდა, მაგრამ უთხრეს მიწები გლეხებსო გესმის? და წამოვიდა ეს რუსეთის ჯარი, გამოვიდა რომ მარტო თავად-აზნაურები და ინტელექტუალები იბრძოდნენ, 2008-შიც ეგრე იყო, ძირითადად აქტიური ადამიანები იყვნენ.
რატომ მოვიყვანე მაგალითი, ქვეყანას იპყრობდნენ და ქართველმა ჩათვალა – მე რომ შევაკვდე ამითი რა შეიცვლებაო? სამშობლო მაინც მექნება და ამ მიწას ხომ ვერ წაიღებენო, პლიუს იმან გააგიჟა, ლენინმა, მოვიგეთო, ქარხანა ჩემი იქნება და მიწა ჩემიო. ჩვენ თუ ხალხს ღიად არ დაველაპარაკეთ, ზოგს არ ევასება ნაციონალური მოძრაობა, მაგრამ, სხვადასხვანაირი ამომრჩეველია, ზვიად გამსახურდიას რომ ამომრჩეველი ყავდა… კაცურად გეუბნებით, ერთპარტიული ნაციონალური მოძრაობა მაქსიმუმ ერთი … თქვენ გიჟები ხართ და ისინი ნორმალურები არიანო, აბა. ნაციონალურ მოძრაობას ყავს ბევრნაირი ამომრჩეველი დღეს“ – განაცხადა ნიკა მელიამ.

„ალია“ ცდილობდა ნიკა მელიასთან დაკავშირებას, თუმცა, ის ჟურნალისტებს არ პასუხობდა და კომენტარი მოგვიანებით გააკეთა თავის ფეისბუქ-გვერდზე.