“თქვენ მსგავსად სახლში შევხვდი უფალს და ჩვენს გულში აღდგა ქრისტე!”

მღვდელმონაზონი ანდრია სარია, სოციალურ ქსელში, წერს:

“გილოცავთ, აღდგომის დღესასწაულს! აღდგომის მოვლენით დასრულდა სახარებისეული თხრობა და ამავე დროს კაცობრიობისთვის გაიხსნა ახალი ისტორია, ის ისტორია, რომელიც არასდროს არ დასრულდება და გადადის მარადიულობაში.

მაცხოვრის მიწაზე განვლილი ბოლო დღეები გვიჩვენებს მეგობრისგან ღალატის სიმწარეს, გვემას, შეურაცხყოფას, ფურთხსა და ჯვარცმას, თუმცა აღდგომა იმდენად დიდი მოვლენაა ტკივილი გადაფარა და სულიერი სიხარული მოგვმადლა.

ამპარტავნებამ ადამიანის გონება დასცა, მაგრამ სიმდაბლემ აღდგომა მოგვანიჭა!

შევიდეთ გონების ტაძარში და მშვიდი გულით უფალს შევთხოვოთ სულის გადარჩენა, ქვეყნის გამთლიანება, მტრების მოქცევა, რამეთუ დადგა დღე აღდგომისა, ქრისტეს მოახლოებისა ჩვენს გულში და მისით ძალმოცემულნი ბოროტზე გამარჯვების უწყებას ხმამაღლა გავაჟღერებთ: ქრისტე აღდგა!

თქვენს მსგავსად სახლში შევხვდი უფალს და ორმაგად მოხარული ვარ, რომ ჩვენს გულში აღდგა ქრისტე! მიყვარხართ…