მედიცინის მეცნიერებათა დოქტორი, ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, სოციალურ ქსელში, წერს:
“უკვე დამღლელია ამ ორი პატარა ბავშვის ბუტიაობა-ჩხუბის ყურება. ქვეყნის შენება გვინდა თუ ყოველდღიურად ოცნება-ნაციონალების ჭიდაობის ყურება..გასაგებია რომ სხვა არაფერი აქვთ შესათავაზებელი და ამით აპირებენ ფონის გასვლას, მაგრამ ნუთუ ვერ ხვდებიან რომ ხალხი დაიღალა და ყველამ იცის რომ ეს მოჩვენებითი კინკილაობაა
გასაგებია რომ წინასაარჩევნოდ ფიქრობენ რომ ასე კინკილაობა შემოგვთავაზონ და იოლად გავიდნენ ფონს…მაგრამ არავის აღარ აინტერესებს ეგ კინკილაობა უკვე…თან სპეციალურად რომ აკეთებენ. დღეს მაგალითად სურთ რომ უნგრელი ორბანივით მთელი ძალაუფლება საგანგებო რეჟიმის გამოსაცხადებლად გადავიდეს მთავრობის ხელში, ისე რომ პარლამენტს ამის განხილვის საშუალებაც არ ჰქონდეს. ნუ, ამის გაკეთება წინასაარჩევნო პერიოდში ხომ ცხადია გამოიწვევს უამრავ საუბარს, რაც არ უნდა კარგი ზრახვები გქონდეს (თუმცა არც ეს კარგი ზრახვებია აშკარა). ხომ აძლევ ამით საშუალებას ყველას (როგორც უნგრეთამ მისცა მთელ ევროპას) რომ ისაუბრონ წინასაარჩევნო პერიოდი არადემოკრატიულად მიდისო…და აი, მაინც თითქოს ძალით აკეთებ და გინდა რომ ერთმა პატარამ მეორეს დაუმტკიცოს არა მე უფრო მაგარი ვარო
ასე მშვენივრად იყო პირველი ტალღა მართული და თუ მეორეც ასე წარიმართება, რატომ არის საჭირო ამ სისტემის შეცვლა? თან არაფერი ვიცით როგორი იქნება ეს მეორე ტალღა. ჩვენ ხომ თითქმის დავამარცხეთ ეპიდემია..არაფერს ვამბობ რომ თვითონ არცერთი არ იცავს ამ შეზღუდვის მინიმალურ წესს, რასაც 2 მეტრის დაცვა ჰქვია
მოკლედ ამ ორი ჭირვეული ბავშვის ცხოვრებას უნდა გადაყვეს საქართველოს და ჩვენი ბავშვების ცხოვრება?”
კომენტარები