უმძიმესი ფაქტია, თავზარდაცემულები ვართ ყველა. დაწყებულია გამოძიება, ჩართულია ყველა შესაბამისი უწყება და ცხადია ყველა დაისჯება კანონის ფარგლებში – აცხადებს თბილისის მერი კახა კალაძე ვაკის პარკში მომხდარ ტრაგედიასთან დაკავშირებით, რა დროსაც პარკის შადრევანში მოზარდს დენმა დაარტყა და გარდაიცვალა.
კახა კალაძე ხეჩინაშვილის კლინიკაში იმყოფებოდა. მისი თქმით, პარკის შადრევნის სარეაბილიტაციო სამუშაოების ცენტრალური კონტრაქტორი იყო კომპანია “გრინ სერვისი” .
კალაძის თქმით, პროექტი შემოწმებული იყო. კითხვაზე, ხედავს თუ არა მერიის პასუხისმგებლობას მომხდარში, კალაძეს ზოგადი პასუხი აქვს – “უმძიმესი თემაა, თავზარდაცემულები ვართ ყველა, ეს არის ძალიან დიდი პასუხისმგებლობა ყველასი და ყველას გაეცემა შესაბამისი პასუხი”
შადრევანი, რომელმაც დღეს 13 წლის მოზარდის სიცოცხლე იმსხვერპლა, დედაქალაქის მერიამ საზეიმოდ გუშინ გახსნა.
კომენტარები