თავის ტვინის შერყევის შემდეგ, რატომ გადაადგილდებოდა? თუ ასეთი ტკივილები ჰქონდა, რატომ გაწერეს საავადმყოფოდან? ძალიან მიკვირს – მაია ნიკოლეიშვილი

სასამართლო სამედიცინო, დამოუკიდებელი ექსპერტი, მაია ნიკოლეიშვილი რადიო ჯორჯიან თაიმსის” ეთერში, გადაცემაში “რეალური პოლიტიკა” ამბობს:

“როგორც ჩემთვის ცნობილია, ლექსო ლაშქარავა გამოწერეს 3 დღეში, მისი მდგომარეობა იყო დამაკმაყოფილებელი. მაგრამ მე ძალიან მიკვირს, თავის ტვინის შერყევის შემდეგ, როცა აუცილებელია წოლითი რეჟიმის დაცვა, ახალგაზრდა რატომ გადაადგილდებოდა. ასევე, ამბობენ, ისეთი ძლიერი ტკივილები ჰქონდა, ნარკოტიკული ნივთიერება უკეთდებოდაო და თუ ასეთი ტკივილები ჰქონდა, მიკვირს, რატომ გაწერეს საავადმყოფოდან?

და ასევე, რატომ გადაადგილდებოდა, როცა წოლითი რეჟიმი აუცილებელია. ხშირად, თავის ტვინის შერყევის შემდეგ, წოლითი რეჟიმის დარღვევა იწვევს საკმაოდ გართულებებს, თუმცა, რეჟიმის დარღვევით თუ მოხდა გართულება, სიმძიმის ხარისხი არ იცვლება.

მან დაარღვია აუციელებელი წოლითი რეჟიმი, აქედან გამომდინარე, ნებისმიერი გართულება შეიძლება მოხდეს.

მაგრამ მე, როგორც ექსპერტი, ჯერ ვერაფერს ვიტყვი, სანამ არ იქნება ექსპერტიზის საბოლოო პასუხი”