ადვოკატი, ნათია ჩხეტიანი:
“დაიწყო მასიური დაკავებები.
მოსამართლეები განსაკუთრებით ქუთაისში არც ერთი დაკავების შუამდგომლობაზე არ ამბობენ უარს, აკმაყოფილებენ უპირობოთ.
მთავრობა ყალიბდება რეჟიმად, ზედმეტსახელად – ,,დააკავე”.
ვინც გადაურჩა პანდემიას ცოცხალი – ისინი საზღვარგარეთ ან ციხეში!
ადვოკატს წესით უნდა გიხაროდეს დაკავებებიო, რა უნდა მიხაროდეს რა? მე რომ პური არსობისა ვიშოვო ქართველების პატიმრობა უნდა მიხაროდეს?
ამ დილით 8 საათზე სამხარეოს გამომძიებელმა დამირეკა შენი დაცვის ქვეშ მყოფი ბრალდებული სასამართლო განჩინებით დავაკავეო, მეძინა და ისეთი შეტევა მომცა გულმა, რამე რომ მომსვლოდა მომაყოლებდნენ გამომძიებელს უკან.
თან, როგორი პატიოსანი კაცი დააკავეს, ხელებდაკოჟრილი, მშრომელი ატირებული, გაუფრთხილებლობაო….
4 წლამდე მუხლი, ნაკლებად მძიმე კატეგორიის დანაშაული, ალტერნატიული სასჯელი შინაპატიმრობა, ბრალდებული ნასამართლობის არ მქონე, მიწაზე შრომით ხელებგადატყაული, კრიმინალი რომ იყოს მესმის…. სასამართლომ გასცა განჩინება, იმდენი არ იფიქრა, რატომ და როდის მიდის მასთან პროკურორი დაკავების განჩინების სათხოვნელად, რა თავად ვერ დააკავებს გადაუდებელი აუცილებლობით?
როცა გამოძიება ვერ ბედავს და მტკიცებულება 0-ია მაშინ მიდიან სასამართლოში.
ამ დროს უნდა იმარჯვოს მოსამართლემ და მხოლოდ უკიდურეს შემთხვევაში დააკმაყოფილოს შუამდგომლობა, რადგან არასწორად კიდებენ მხრებზე ტვირთს, რომელიც მისი საზიდი არ არის.
მაგრამ ქუთაისის სასამართლო?
როდესმე უარი უთქვამს პროკურორის შუამდგონლობაზე ბრალდებულად პირის დაკავების მოთხოვნით?
არადოდეს, არასოდეს, არასოდეს!
ტერორისტებივით აკავებენ ქუჩაში პატიოსან ხალხს, სასამართლოს განჩინებით. ამ შემთხვევაში პროკურორი და გამომძიებელი ხელს იბანს, რა ვქნა სასამართლოს განჩინებაა! სწორიცაა, რა ქნას, თავად რომ ვერ გარისკა იმიტომ მიაკითხა მოსამართლეს.
ხოდა, ეს დამწყვდეული, დამშეული, ფილტვებდაზიანებული, ფსიქიკადაზიანებული, ძლივსმსუნთქავი ერი დაემსგავსა გასაკრავად მომზადებულ ასანთს.
ხალხში ყოველდღიურად მაღლა იწევს და იწევს ტალღა უსამართლობის განცდის, უკმაყოფილების, შერჩევითობის, აშკარად გამოხატული დისკრიმინაციის.
გენოციდის წინაშე მდგარი ქართველი ერი, იხუვლებს მალე!”
კომენტარები