„ტაბულას“ რედაქტორი, თამარ ჩერგოლეიშვილი:
„ტელემედიის წარმომადგენლებს რომ გეწყინებათ ჩემი კრიტიკა, კვლევას ჩახედეთ:
1. შეხედეთ რამდენი ხალხი ამბობს, რომ პოლიტიკური სპექტრი მათ ინტერესებს არ წარმოადგენს (ნახევარი)
2. შეხედეთ რამდენი ხალხი ამბობს, რომ ინფორმაციას ტელევიზიით იღებს (70%)
3. მაგალითისთვის აიღეთ და შეხედეთ ტერიტორიული მთლიანობის თემას, რომელიც ისევ ყველაზე მნიშვნელოვანი საკითხების სამეულშია.
4. მერე აიღეთ და ტერიტორიული მთლიანობის თემა შეადარეთ 12 პუნქტს და პოლიტიკური პატიმრების საკითხს – რამდენად ჩამორჩება მნიშვნელობით.
5. მერე აიღეთ და საკუთარი დღის წესრიგი გაანალიზეთ, ქრონომეტრაჟი დაადგინეთ:
ა) რამდენ დროს უთმობთ პოლიტიკურ პატიმრებს და 12 პუნქტს.
ბ) რამდენი დრო დაუთმეთ აფხაზეთში ქართველთა გენოციდის და ტერიტორიული მთლიანობის თემას (რომელიც გრძელდება და ახალი ფაზა ჩაეშვება მალე)
ეს მხოლოდ ერთი მაგალითია.
ვერ განვიკურნებით, თუ სწორი დიაგნოზი არ დავსვით.
მხოლოდ პარტიების დადანაშაულება თავის მოტყუებაა.
პარტიების დიდი უმრავლესობა იდეური ბანკროტები არიან – მართალია.
იდეური ბანკროტობა პარტიებს უადვილებს დონორების მარიონეტობას – თუ თავად მყარად არაფრის გჯერა, ყველას იოლად უჯერებ. ამიტომ იდეური ბანკროტებითაა გადატენილი ტელეეთერები.
მაგრამ ვინც არ არის ბანკროტი და საზოგადოებისთვის მნიშვნელოვან თემებზე მუშაობს, ის ჩრდილოვან გავლენას არ ემორჩილება, ამიტომ – ოფსაიდშია, სხვისი პროცესის კომენტატორია.
ესაა იმის ერთ-ერთი ძირითადი მიზეზი, რომ პროცესი პარალიზებულია და ბიძინა იგებს.
ვერ ხედავს ხალხი მისთვის საინტერესო დღის წესრიგს ტელევიზორში და ფიქრობს, რომ მის ინტერესებს არავინ წარმოადგენს.“
კომენტარები