უწყებათაშორის საკოორდინაციო საბჭოსთან არსებული ოპერაციული შტაბის უფროსმა, სუსის უფროსის მოდგილემ, ალექსანდრე ხოჯევანიშვილმა, სხდომის დასრულების შემდეგ განაცხადა.
„მივიღეთ გადაწყვეტილებები, ბაზრებსა და ბაზრობებზე კიდევ უფრო გამკაცრდეს კონტროლი, კიდევ უფრო ინტენსიურ ფაზაში გადავიდეს თერმოსკრინინგი, შესაძლო სიმპტომების მქონე ადამიანები მყისიერად იყვნენ გადაყვანილი შესაბამის დაწესებულებებში, გაუკეთდეთ მათ ტესტები. ყველა ეს ღონისძიება, რომელიც დღეს იქნა მიღებული და რომელიც კიდევ უფრო ინტენსიურად გაგრძელდება ამ მუნიციპალიტეტში და აღნიშნულ ბაზრობებზე, მიზნად ისახავს მეტ კონტროლს, პრევენციას, რაღა პროცესი უფრო არ გართულდეს. ჩაკეტვის გადაწყვეტილება არ მიუღიათ, იმიტომ, რომ ამ ეტაპზე არ არის ამის საჭიროება და როგორც კი ამის საჭიროება დადგება, შესაბამისი გადაწყვეტილება აუცილებლად იქნება მიღებული”
ასე რომ, დავით გარეჯთან, საოკუპაციო ხაზთან საუბრისას, კრიმინალზე საუბრისას აწი რომ იკითხავთ, სად არის და რითია დაკავებული სუსი – აგერ, ბატონო, ბაზარში და ბაზრობებში მოძებნეთ.
აქამდე გვეგონა, რეგულაციებს ეპიდემიოლოგები ადგენდნენ, მათ შორის ბაზრობებზე ზომების გამკაცრების რეგულაციებს და შსს ხელმძღვანელობდა აღსრულებას, მაგრამ, სუსში ცოტა საქმეა, როგორც ჩანს.
სახელმწიფო უსაფრთხოების საკითხი იქნება, თუ გამიზნულად დაარღვევს ვინმე რეგულაციას და სახელმწიფოს შეუქმნის საფრთხეს, ახლა სახელმწიფო უსაფრთხოების საქმეა, მაგალითად, როგორ მოხდა, რომ კოვიდით დაავადებული ოჯახის წევრებს ყოველ მესამე დღეს არ ამოწმებდნენ კოვიდზე და ისე უშვებდნენ ხალხში? როგორ გაეპარათ ექიმებს ასეთი შეცდომა?
თერმოსკრინინგი და სიცხის გაზომვა, ნამდვილად არ არის სუსის საქმე, ამისთვის გვყავს ექიმები, თუ არ გვყავს, ბატონო ალექსანდრე?
არ გვყავს შსს-ში ერთი კარგი ოფიცერი, რომელიც ბაზრობებზე თერმოსკრინინგის საკითხს გაუძღვება?
ალია
კომენტარები