ჟურნალისტი ვახო სანაია სოციალურ ქსელში წერს:
„ახლა გეტყვით, როგორ იქნებოდა ეგ ამბავი. დავიწყოთ თავიდან.
1. შარლ მიშელის დოკუმენტში ჩაიწერა სასამართლო რეფორმა. ოცნებამაც სიამოვნებით მოაწერა ხელი – შემდგომი გადაგდების პერსპექტივით. შეთამხმება მოსამართლეების დანიშვნის შეჩერებასაც გულისხმობდა.
2. იუსტიციის საბჭომ მაინც დაიწყო მოსამართლეების დანიშვნა. ერთ დღეში 90 მოსამართლე განამწესა. უზენაესი სასამართლოს მოსამართლეებიც კი შეარჩია.
3. გაგიჟდნენ ელჩები, ხომ შევთანხმდით, რომ მოსამართლეების დანიშვნა უნდა შეგეჩერებინათო. მთლად მარკერით გაუხაზეს.
4. ახლა ოცნებამ და სასამართლომ თავიანთი ჭკუით დაიწყეს მაიმუნობა. ოცნებას უნდა ეთქვა – სასამართლო დამოუკიდებელია და ჩვენ ვინ გვეკითხება, ვერ ჩავერევითო (აბა რას მოაწერეს ხელი ?! ) სასამართლომ თქვა, ჩვენ საქართველოს კანონმდებლობით ვმოქმედებთ და რაში გვაინტერესებს, ოცნებამ რას მოაწერა ხელიო. ახლა ამას რომელი ელჩი ჭამს ?! ყველაზე კარგად იციან, რა ,,დამოუკიდებელიცაა” ეს სასამართლო.
5. ამიტომ ოცნებამ ასეთი რამე მოიფიქრა. სასამართლოს დაავალა, მიდით, ბიჭებო, რამე შეხვედრა გააკეთეთ და თქვით, ვითომ ჩვენ თქვენზე ვახდენთ ზეწოლას, რომ შარლ მიშელის დოკუმენტის შესრულებას გთხოვთო. ამით ჩვენც კაი ბიჭები გამოვჩნდებით, არგუმენტი გვექნება ელჩებთან და თქვენც მაგრები იქნებით, რომ ვითომ ჩვენს ზეწოლას არ ეგუებით და კანონის დაცვით წარმართეთ გასულ დღეებში დანიშვნის პროცესიო.
6. შეიკრიბნენ ჯიგრები და მურუსიძემ თქვა, ჩვენზე ზეწოლას ნუ ახდენთო. იქვე ბოლომდე გზა არ მოჭრა, ე მანდ ვინ იცის, ელჩები კიდევ სადამდე გაჭედავენო და შესთავაზა ყველას, მოდი, ვიბაზროთ და დავალაგოთო.
7. სულ ესაა დღევანდელი კინო. ოპერაცია – შარლ მიშელის შეთანხმების ,,ერთგული” ოცნება და ,,დამოუკიდებელი და პრინციპული” სასამართლო.
8. ელჩები რომ ამას არ ჭამენ, ცხადია. უბრალოდ, რას იზამენ, ეგაა მთავარი.“
კომენტარები