“სტუმარმა დედა შეაგინა” – სისხლიანი დაპირისპირების დეტალები მარნეულიდან

გარდაბნის მუნიციპალიტეტის სოფელ გამარჯვებაში 22 და 27 წლის მამაკაცებს შორის დაპირისპირება მოხდა. ინფორმაციას ამის შესახებ „ინფო რუსთავი“ ავრცელებს.

სააგენტოს ცნობით, დაჭრილი მამაკაცი ბრალდებულთან სტუმრად იმყოფებოდა, რა დროსაც 27 წლის კაცმა მასპინძელს სიტყვიერი შეურაცხყოფა მიაყენა.

„დაჭრილი სტუმრად იყო ამ ბიჭთან, შეიძლება ნასვამიც მივიდა. მერე რაღაცა მოხდა. თავის სახლში სტუმარმა დედა შეაგინა. მერე გარეთ გამოსულან და გარეთ მოხდა დაჭრა”,- აცხადებენ ადგილობრივები.

დაჭრილი მამაკაცი სასწრაფო-სამედიცინო დახმარების ეკიპაჟმა კლინიკა „რუსთავში“ გადაიყვანა. მისი ჯანმრთელობის მდგომარეობა მძიმეა.