“ქართული ოცნების” აღმასრულებელმა მდივანმა, მამუკა მდინარაძემ, თბილისის სახელმწიფო უნივერსიტეტში მომხდარ ინციდენტზე ჟურნალისტებთან საუბრისას განაცხადა:
“აბსოლუტური ამორალურობაა, რომ ასეთ აქტივობაში საკუთარ აქტივისტს ფული მისცე. ამ ამორალურობას მეტ ამორალურობის ხარისხს ამატებენ, რომ ხელში კი არ აძლევენ ამ ფულს, ურიცხავენ რომ მობმული ჰყავდეთ ვიღაც, ჩარიცხვის მტკიცებულება გააჩინონ, რომ ნებისმიერ დროს დააშანტაჟონ.
თუ არ ვცდები 3 დღის წინ გავრცელდა ამბები იმის შესახებ, რომ “ნაცმოძრაობის” წარმომადგენლები სტუდენტებს კონკრეტულ თანხას ურიცხავენ განცხადების გაკეთებაში და ეს ინფორმაცია თავად “ნაცმოძრაობიდან” იყო გასული. წარმოიდგინეთ რა მდგომარეობაში აყენებენ სტუდენტებს. დაანებონ ამ ხალხს თავი, ნუ ურიცხავენ თანხებს და ნუ აყენებენ იმ მდგომარეობაში, რომ ახლა იმ ახალგაზრდებს უწევთ თავის მართლება რომ – ჩემი პერსონალური მონაცემებია, არ გამოვაქვეყნებ, ამ ამბავში ფული არ ამიღია დედას გეფიცებით.”
შეგახსენებთ, ბრალდება იმის შესახებ, რომ სტუდენტებს ფულს ურიცხავენ, ქართული ოცნების დეპუტატმა, ქართული ოცნების პოლიტსაბჭოს წევრმა, დიტო სამხარაძემ გაავრცელა 13 მარტს:
კომენტარები