სწრაფი ტესტით დიაგნოსტირება იგეგმება – როდის შემოიტანეს ქვეყანაში სწრაფი ტესტები?

დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის, ამირან გამყრელიძის თქმით, ანტიგენის სწრაფი ტესტით დიაგნოსტურება იგეგმება, თბილისსა და ქუთაისში.

“ყველაზე მეტი შემთხვევების რაოდენობა, სადაც გვაქვს ამ დროისთვის, ცხელების ცენტრებსა და პოლიკლინიკებში, შეიძლება გადავიდეთ ანტიგენზე დამყარებულ სწრაფ ტესტებზე” – თქვა იმუნოლოგმა.

ამირან გამყრელიძვე თქმით, მსოფლიო ჯანდაცვის ორგანიზაციამ და აშშ-ის სურსათისა და მედიკამენტების კონტროლის ადმინისტრაციამ რეკომენდაცია გასცა, რამდენიმე კომპანიის მიერ ნაწარმოებ ანტიგენზე, და არა ანტისხეულზე, დამყარებულ სწრაფ ტესტებს, რომელიც დაახლოებით 15 წუთში იძლევა პასუხს ვირუსზე.

“ამ დიფერენციალური დიაგნოსტიკისთვის, სადაც დიდი მოწოლაა, თბილისსა და ქუთაისში, ცხელებიანი და სიმპტომებიანი ადამიანების, ასე მოხდება დიაგნოსტირება”

გამყრელიძე ასევე ამბობს, რომ მედიკამენტი “რემდესივირი” საქართველოში მხოლოდ საერთაოშორისო კვლევისთვის შემოვა და არა გაყიდვისთვის.

“ის ინიშნება მკაცრად, ექიმის დანიშნულებით, მხოლოდ სპეციალური ჩვენებისას – მძიმე და კრიტიკულ პაციენტებში” – თქვა ამირან გამყრელიძემ.

შეგახსენებთ, ჯანდაცვის მინისტრმა 23 მარტს განაცხადა, რომ ჩვენ შეგვიძლია დავიწყოთ მოსახლეობის მიზნობრივი ტესტირება, რაც ძალიან დაეხმარება ჩვენს ექიმებს იმისათვის, რომ დროულად აღმოაჩინონ კორონავირუსის არსებობა. ტესტების შემოტანა მოხდება 4-ეტაპად: ხვალ, 27 მარტს და ბოლო შემოტანას 5 აპრილისთვის ველოდებით. ტესტების რაოდენობა საკმარისია იმისთვის, რომ მოხდეს საკმაოდ დიდი ჯგუფების გატესტვა”

გაიტესტა თუ არა “დიდი ჯგუფები” და რა შედეგი გვქონდა, ამის შესახებ ინფომაცია არავის მოუწოდებია ჯანდაცვიდან, თუმცა, მოსახლეობა მუდმივად ითხოვდა სწრაფი ტესტების გამოყენებას. ამას ითხოვდა “ალია” ამ თვეების მანძილზე.

რესპუბლიკურმა საავადმყოფომ ერთხელ განცხადებაც გაავრცელა, რომ ჟურნალისტებს, როგორც რისკჯგუფს დატესტავდა, მაგრამ შემდეგ “გადაიფიქრა”, ან “გადააფიქრებინეს”.

სწრაფი ტესტების გამოყენება არამხოლოდ ინფიცირებულების გამოვლენაში დაგვეხმარება, არამედ, იმაშიც, რომ დავადგინოთ, დაახლოებით რამდენ ადამიანს აქვს უკვე გადატანილი კორონავირუსი, რაც ძალიან მნიშვნელოვანი ინფორმაცია იქნებოდა და იქნება.

რატომ არ ვიყენებდით სწრაფ ტესტებს აქამდე, განსაკუთარებით მაშინ, როცა შიდა ტურიზმის გააქტიურებისკენ მოვუწოდებდით მოსახლეობას – უცნობია. თუმცა, ისიც უნდა ვთქვათ, რომ ქვეყანაში სწრაფ ტესტებს საკმაოდ ბევრი ადამიანი იტარებს კერძო ლაბორატორიებში და ფულს იხდის.