პრეზიდენტი თავისუფლების მოედანზეა და როგორც ამბობს, სცენისკენ მიდის.
სცენისკენ მივდივარ, ხომ უნდა ვიყო ახლოს, თუ ვინიცობაა დამიძახეს, – ამბობს ზურაბიშვილი მედიასთან.
“ეს არის ძალიან მნიშვნელოვანი ნაბიჯი ევროპისკენ, რომელსაც ვულოცავ მე სრულიად საქართველოს, აქ მდგომ ადამიანებს, ვინც არ უნდა იყვნენ, რა მხარეს არ უნდა იდგნენ სხვა პოლიტიკურ საკითხებზე. ვულოცავ რეგიონებში მყოფ ადამიანებს, აფხაზეთში და სამხრეთ ოსეთში ჩვენ მოქალაქეებს, რომელსაც ასევე უხარიათ დღევანდელი დღე. ეს არის დიდი ზეიმი და ძალიან მიხარია, რომ ყველა აქ დგას ერთად”, – განაცხადა სალომე ზურაბიშვილმა [ინტერპრესნიუსი]
ტრიბუნიდან მიმართვასთან დაკავშირებით დასმულ კითხვაზე, სალომე ზურაბიშვილი განაცხადა: “თუ მომცემენ ძალიან კარგი, თუ არ მომცემენ კარგი”.
სახალხო ზეიმი თავისუფლების მოედანზე 5 საათზე დაიწყება და იქნება სიტყვით მიმართვებიც. თუმცა უკვე ცნობილია, რომ გამომსვლელთა შორის არ იქნება პრეზიდენტი სალომე ზურაბიშვილი.
მიუხედავად იმისა, რომ სალომე ზურაბიშვილმა გუშინ საგანგებო ბრიფინგზე მზაობა გამოხატა, რომ პრემიერის თანხმობის შემთხვევაში, ის შეკრებილ მოქალაქეებს სიტყვით მიმართავდა, თუმცა დღეს “ქართული ოცნების” დეპუტატები ამბობენ, რომ პრეზიდენტის ადგილი თავისუფლების მოედანზე არ არის.
არაფერი გესაქმება საზეიმო სცენაზე – კობახიძე პრეზიდენტის შეთავაზებას პასუხობს
კომენტარები