“სრული იზოლაცია ემუქრება ამ ქვეყანას, იზოლაცია, სიღარიბე და იმაზე დიდი ჭაობი, ვიდრე ახლა სადაც ვართ” – ლევან ყურაშვილი

არათუ არ ელაპარაკებიან, პირდაპირი მნიშვნელობით ხელს აღარ ართმევენ ივანიშვილის რეჟიმის მსახურებს.

საერთოდ არ მანაღვლებს არც კობახიძისა და არც სხვა ბიძინას მონის ბედი, მაგრამ ის, რაც ახლა გვჭირს ქვეყნის გარეთ, ეგაა კატასტროფა.

სრული იზოლაცია ემუქრება ამ ქვეყანას. იზოლაცია, სიღარიბე და იმაზე დიდი ჭაობი, ვიდრე ახლა სადაც ვართ.

ყველაფერი ასე ვერ გაგრძელდება.

26 ოქტომბრის მერე ან ვიცხოვრებთ იმაზე გაცილებით ცუდად, ვიდრე ახლა ვცხოვრობთ – იზოლაციაში მოქცეული მთავრობით, საერთაშორისო დახმარებების გაჩერებით, უვიზო მიმოსვლის დაკარგვით და ა.შ. მოკლედ, ზუსად ისე, როგორც რომელიმე მიყრუებულ რუსულ “ობლასტში.” ჩეჩნეთშითქო ვიტყოდი, მაგრამ მანდ ნავთობი მაინც აქვთ და დოტაციაზე უზის პუტინს მთელი რეგიონი. აქ ეგეც არ იქნება.

ან არის მეორე არჩევანი: 26-ში ამათი გაშვება, ევროკავშირთან გაწევრებაზე მოლაპარაკების დაწყება და ევროპული ფონდებიდან, ქვეყნის განვითარებისთვის მილიარდობით თანხის მოზიდვა, პლუს უვიზო მოგზაურობაზე მოლაპარაკებების დაწყება ამერიკასთან.

რავიცი, ამაზე მარტივი არჩევანი არასდროს ყოფილა ამ ქვეყანაში. ქოცებისთვისაც, მათ შორის. თუ არ უნდათ რესპუბლიკა კომივით იცხოვრონ, აიღონ ის 200 ლარი და ოპოზიცია შემოხაზონ. თორემ მომდევნო წლებში ეგ 200 ლარიც საოცნებო გაუხდებათ.