ანალიტიკოსი, ზაალ ანჯაფარიძე:
“სოსო გოგაშვილის ზედმეტსახელი „ანტრეკოტა“ სხვათა შორის კარგად ასახავს თუ ვინ იყო და საიდან მოდის. 2013 წლის პოლიტიკური და სოციალური ქარტეხილების ფონზე, ის აღმოჩნდა იქ სადაც აღმოჩნდა და შემდეგ დაამთავრა ისე, როგორც უნდა დაემთავრებინა, რადგანაც სხვა გამოსავალი თავადაც არ დაიტოვა მისი სიხარბისა და უსაფუძვლოდ გაღვიძებული ამბიციების გამო. ასე ემართებად მათ ვინც იყო არავინ და არაფერი და გახდა ვიღაც და რაღაც.
ე.წ. „მამხილებლის“ მანტია გოგაშვილმა მხოლოდ მაშინ მოირგო, როდესაც მიხვდა რომ მის ირგვლივ წრე იკვრებოდა. იოლი გამდიდრების მოყვარული გოგაშვილი, ალბათ ისეთივე ენთუზიაზმით გადასცემდა მის მიერ მოპარულ კონფიდენციალურ ინფორმაციას უცხო ქვეყნის სპეცსამსახურებსაც, თუკი ფასზე მორიგდებოდნენ. ისინი კი მსგავს ინფორმაციაში, როგორც წესი კარგად იხდიან. ალბათ გამოძიება ამაზეც იმუშავებს
მე თუ მკითხავთ, გოგაშვილის დაკავება, მინიმუმ ერთი წლით დაგვიანდა. თუმცა, სჯობს გვიან ვიდრე არასოდეს. დღეს გოგაშვილი, რომელსაც მოსალოდნელი სასჯელის წარმოდგენის შედეგად, სრულიად დაკარგული აქვს ადექვატურობის განცდა, იქცევა ზუსტად ისე, როგორც კუთხეში მიმწყვდეული მხეცი, რომელიც ხვდება რომ თავის დაღწევის შანსი აღარ დარჩა.
კომენტარები