თავდაცვის ყოფილი მინისტრი, თინა ხიდაშელი, სოციალურ ქსელში, წერს:
რთულად მახსენდება დღე როცა ამდენმა ჟურნალისმა ერთად დამირეკა როგორც დღეს. კითხვები აზერბაიჟანული მედიის ინფორმაციაზე იყო. ყველას ბოდიშს გიხდით ვისაც ვერ გიპასუხეთ. საკითხი დელიკატურია. თუმცა ჩემი დამოკიდებულება მინდა გითხრათ საგარეოს მიერ გავრცელებულ ჩემი შეფასებით ძალიან სუსტ და თუ კარგად დავაკვირდებით მავნებლურ განცხადებაზე.
1. როდესაც საგარეო წერს დეზინფორმაციაა, იმიტომ რომ უამრავ უზუსტობას შეიცავსო, ეს აუცილებლად აფიქრებინებს ადამიანს რომ პრინციპში მართალია ეს ამბავი უბრალოდ უზუსტობებია მასში.
2. როდესაც საგარეო იმის სათქმელად რომ დეზინფორმაციაა იყენებს არგუმენტს ჩვენი და აზერბაიჯანის სტრატეგიული თანამშრომლობის შესახებ, ეს უბრალოდ არაფრის მთქმელი სიტყვებია, ვინაიდან აქედან შთაბეჭდილება რჩება რომ დეზინფორმაციაა იმიტომ, რომ ამას აზერბაიჯანის წინააღმდეგ არ ვიზამდით თორემ აი პირიქით რომ გვაბრალებდეთ კიდევ გავიგებდითო.
კიდევ უფრო გაუგებარი ხდება ამბავი, როდესაც ბატონი ვოლსკის ჩვეულებრივ საქმის არ მცოდნე და ინფორმაციის არ მქონე კომენტარს დაუმატებთ, სადაც ამ ინფორმაციის გამავრცელებლები ლამის ქვეყნის მოღალატეებად გამოაცხადა. არადა ყველაფერი რა მარტივია ამ ქვეყანაში ხალხი თავის საქმეს რომ აკეთებდეს და თან მოსახლეობის ოდნავი პატივისცემა მაინც რომ ქონდეთ როდესაც ელაპარაკებიან.
1. თავისთავად ეს ინფორმაცია არაფერს ნიშნავს თუკი არ ვიცით რა ხდება მეორე მხარეს.
2. რომ დავუშვათ ერთი წუთით რომ სიმართლეა რასაც აზერბაიჯანული მედია ამბობს მთავარია გავარკვიოთ აზერბაიჟანის სასარგებლოდ რა მოქმედება განხორციელდა.
3. საქართველოს აქვს ვალდებულება რეგიონში დისბალანსი არ შექმნას და ამით ხელი არ შეუწყოს ესკალაციას.
4. აზერბაიჯანთან ჩვენ სტრატეგიულ პარტნიორობაზე საუბარი, რაც საგარეოს განცხადებაშია ამ შემთხვევაში არაფრის მთქმელია, რადგან სომხეთთან არ გვაქვს სტრატეგიული პარტნიორობა, იგივე სომხურ გაზეთს რომ დაეწერა მაშინ არაუშავს, არ იქნებოდა პრობლემა?
5. ამ კონფლიქტში ჩვენ არ ვართ მხარე და არავის მხარეს არ ვართ. ეს არის ჩვენი სახემწიფოებრივი ინტერესი. ჩვენი ამოცანაა ნეიტრალური და მშვიდობის მხარდამჭერის ფუნქცია გვქონდეს, ამიტომ როდესაც გეოგრაფიით გამოწვეული გადაწყვტილებებია მისაღები სწორედ ამ პრინციპით უნდა ვხელმძღვანელობდეთ.
დაინტერესებული ადამიანიებისთვის ეს ვოლსკის კომენტარია: “არის გარკვეული მედიასაშუალებები, რომელიც ამ ჭორს აყვნენ, სამწუხაროდ, საქართველოშიც. კონკრეტული ტელევიზიებია, ვინც აყვა ამ ჭორს და სიამოვნებით გაუკეთეს ტირაჟირება იმას, რასაც საქართველოსთვის ზიანის მეტი არაფერის მოტანა არ შეუძლია განსაკუთრებით, წინასაარჩებვნო პერიოდში, როდესაც ვიცით, რომ აზერბაიჯანელი და სომეხი მოსახლეობა საკმაოდ ბევრია რეგიონებში და ამ ხნის მანძილზე ვინარჩუნებთ და ინარჩუნებდნენ კეთილ ურთიერთობას, როგორც თანამოქალაქეები. შევხედოთ, დესტაბილიზაცია ვის უნდა და ადვილად გავაკეთებთ გარკვეულ დასკვნებს“
კომენტარები