“სკოლა და უნივერსიტეტი ინფექციის წყარო შეიძლება გახდეს”

ინფექციური პათოლოგიის, შიდსისა და კლინიკური იმუნოლოგიის ცენტრის ექიმ-ეპიდემიოლოგის, ეკა ქარქაშაძის შეფასებით, სასწავლო დაწესებულებები, შესაძლოა, კოვიდ ინფექციის გავრცელების ერთ-ერთი წყარო გახდეს, ამის შესახებ მან “დღის კურიერში” განაცხადა:

“რისკები არსებობს სკოლებთან დაკავშირებით, რადგან საზოგადოებაში ინფექციის გავრცელების ეტაპზე ვართ სამწუხაროდ, ამიტომ, ისევე როგორც სკოლაში, უნივერიტეტში შეიძლება იყოს ინფექციის წყარო, რამაც შეიძლება გამოიწვიოს მისი გავრცელება,.

ზაფხულში ჯერ კიდევ კლასტერულ პერიოდში ვიმყოფებოდით, როდესაც შესაძლებელი იყო წყაროს დადგენა. სამწუხაროდ, სექტემბრიდან უკვე საზოგადოებაში ისეთი გავრცელება გვაქვს, რომ წყაროს ვერ ასახელებს ინფიცირებული. ფაქტობრივად, ახლა ინფექციის მატების პერიოდი გვაქვს. ჩემი პროგნოზით, მატება ჯერ კიდევ გვექნება, რთულია ციფრებზე ლაპარაკი, დამოკიდებულია ეს, რამდენად გამოვიყენებთ სიფრთხილის ზომებს და გავითვალისწინებთ რეკომენდაციებს”