საქართველოს მესამე პრეზიდენი მიხეილ სააკაშვილი:
“იური ხომიჩისა და ვოლოდიმირ დიაჩენკოს ადვოკატ ბექა ბასილაიას განცხადებით, რომლებიც საქართველოში უკანონოდ დააკავეს და გაასამართლეს, დღეს მათთან მივიდა ციხის უფროსი და სთხოვა შეწყალების შუამდგომლობის დაწერა, რადგან სხვა შემთხვევაში პრეზიდენტ ზელენსკის ვიზიტი საქართველოში შეიძლება გაუქმდეს.
საქართველოს ე.წ ხელისუფლებას ახლა ეს ვიზიტი ჰაერივით სჭირდება, რადგან დანარჩენი მსოფლიო აკრიტიკებს მათ არადემოკრატიული ნაბიჯების გამო, მათ შორის დღეს აშშ-ს სახელმწიფო დეპარტამენტმა ძალიან მკაცრი განცხადება გააკეთა.
ხომიჩმა და დიაჩენკომ უარი თქვეს შეწყალების შესახებ შუამდგომლობის დაწერაზე, რადგან, პირველ რიგში, მათ არ ჩაუდენიათ რაიმე დანაშაული და ეს სიმართლეა – მათ არ დაურღვევიათ არც საქართველოს და არც საერთაშორისო კანონმდებლობა, მეორეც, ისინი არ არიან თანახმა დატოვონ მათი ეკიპაჟის მესამე წევრი – წარმოშობით უკრაინელი და მოქალაქეობით ქართველი, მიხეილ ბატურინი, რომელიც მათთან ერთად დააკავეს იახტაზე.
საქართველოს ე.წ ხელისუფლებას არ სურს ბატურინის გათავისუფლება, რადგან იგი მუშაობდა სახელმწიფო უსაფრთხოების ოფიცრად ჩემი პრეზიდენტობის პერიოდში და მათ პოლიტიკური ნიშნით სურთ მძევლად დაიტოვონ.
მე აღფრთოვანებული ვარ უკრაინელი მეზღვაურების გამბედაობით, მომწონს ოფიციალური კიევის პრინციპული დამოკიდებულება ამ საკითხთან დაკავშირებით და მაკვირვებს საქართველოს ამჟამინდელი მთავრობის სიბოროტე.
რაც შეეხება ე.წ. ქართულ სასამართლოს, მთელი მსოფლიო უკვე გმობს და აშკარაა, რომ საქმე გვაქვს რუსული გაზპრომის უმსხვილესი კერძო აქციონერის ოლიგარქ ივანიშვილის ჯიბის სასამართლო პროცესთან, რომელმაც გააყალბა საქართველოში არჩევნები და გააუქმა სასამართლო.
იმედი მაქვს, რომ პრეზიდენტ ზელენსკის პრინციპული პოზიცია გაათავისუფლებს მათ და მიხეილ ბატურინსაც.”
საქართველოს 19 ივლისს უკრაინის პრეზიდენტი ვლადიმირ ზელენსკი უნდა ეწვიოს. ზელენსკი მონაწილეობას მიიღებენ ბათუმის საერთაშორისო კონფერენციაში.
ცნობისათვის, საქართველოს მოქალაქე იური ბატურინი, უკრაინის მოქალაქეები იური ხომიჩი და ვლადიმერ დიაჩენკო 2020 წლის 28 ნოემბერს ხომალდით თურქეთის რესპუბლიკიდან შემოვიდნენ საქართველოს ტერიტორიულ წყლებში. ისინი ბათუმის სანაპირო დაცვის პოლიცია დააკავა. პროკურორის მტკიცებით, ისინი ცდილობდნენ შემთხვევის ადგილიდან გაქცევას და საქართველოს სანაპირო დაცვის თანამშრომლებს წინააღმდეგობა გაუწიეს.
სააკაშვილის დაცვის ყოფილი წევრი და უკრაინელი მეზღვაურებები საქართველოს ტერიტორიულ წყლებში საზღვრის უკანონო ჯგუფური გადაკვეთის ბრალდებით არიან გასამართლებული.
დაკავებულები თავს უდანაშაულოდ მიიჩნევენ.
კომენტარები