„რეაქციაში“ „ლელოს“ გენერალური მდივანი ირაკლი კუპრაძე, დაკავების ეპიზოდს იხსენებს და ამბობს, რომ ის იმ დროის აიყვანეს, როცა გონებადაკარგულ მოქალაქესთან მივიდა მისახმარებლად, რომელსაც ურტყამდნენ, დასახმარებლად დაიხარა და ამ დროს დააკავეს და სცემეს – „მანქანასთან 2 წუთის განმავლობაში გაუჩერებლად მირტყამდნენ და მაგინებდნენ“.
ირაკლი კუპრაძე ამბობს, რომ მასთან ერთად დააკავეს რამდენიმე ადამიანი, მათ შორის გელა ხასაია და ლევან ბუდაღაშვილი, რომელიც სასტიკად იყო ნაცემი.
სასწრაფოსაც კი არ ეძახდნენ, ადამიანი, რომელსაც სახეზე არცერთი ნაკვთი არ უვარგოდა, სისხლში ამოთხვრილი, გაფითრებული, ტრავმული შოკის ქვეშ მოიყვანეს კახეთის გზატკეცილზე პოლიციის დეპარტამენტში და დარბაზის შუაში დააყენეს, სანამ არ ვიჩხუბე სასწრაფო არ გამოიძახეს.
როცა ჩაგვსვეს სასტიკად ნაცემები მანქანაში, ზვიად ხარება მოვიდა მანქანასთან, შემოიხედა, გაგვიღიმა დამცინავად, კმაყოფილი, რა მდგომარეობაშიც ვიყავით და წავიდა,“ – ამბობს კუპრაძე.
კუპრაძე სასტიკ ანგარიშსწორებაზე საუბრობს და ამბობს, რომ ასეთი დარბევა არ ახსენდება – ქუჩებში დასდევდნენ ხელკეტებით – „სხეულის ყველა ნაწილზე ხელკეტის კვალი მაქვს, მეც და სხვა მონაწილეებსაც“.
ის, როცა ამბობთ, რომ სასტიკად ნაცემი ვარ, ქართულ ოცნებას ჰგონია, რომ ეს ჩემთვის დამამცირებელია, ძველბიჭური, საბჭოთა ლოგიკით მოაზროვნე რუსული ხელისუფლება, რომელიც ფიქრობს, რომ თუ ოპოზიციონერს გაუსწორდება ფიზიკურად, ან შეაგინებს და დერეფანს გაატარებს, სადაც ურტყამენ სახეში, ზურგში ხელებს, ფეხებს, ხელკეტებს, ჰგონიათ, რომ ჩვენ დაგვამცირებენ და სინამდვილეში, არ არის ასე. იმიტომ, რომ მე ყველა ის სისხლჩაქცევა, რომელიც მაქვს, ხელებზე, ზურგზე, მეამაყება, იმიტომ, რომ ვიცი, რატომ მირტყამდა სპეცრაზმი, ვიღაც გაურკვეველი ხარებას დავალებით, სინამდვილეში, ბიძინა ივანიშვილის და რუსული ხელისუფლების დავალებით, მე ვიცი ეს ყველაფერი, რატომ ხდებოდა და ყველა ეს სისხლჩაქცევა მეამაყება, იმიტომ, რომ ბრძოლას საკუთარი ქვეყნის ინტერესებისთვის მოაქვს სწორედ ეს შედეგი, როცა მსგავს ხელისუფლებასთან გაქვს შეხება,“ – ამბობს ირაკლი კუპრაძე.
კომენტარები