სისხლიანი გარჩევა ქუჩაში – ერთი მოკლულია, ერთი – დაჭრილი – რა მოხდა ხარაგაულში

ფოტო – ფორმულა

მთავარი არხის ინფორმაციით, ერთი მოკლული და ერთი დაჭრილია ხარაგაულის მუნიციპალიტეტში – სოფელ პატარა ხარაგაულში შემთხვევა რამდენიმე საათის წინ მოხდა.

არსებული ინფორმაციით,  2 ადამიანი ქუჩაში დაჭრეს, რის შემდეგაც ერთ-ერთი მათგანი, 50  წლამდე ასაკის მამაკაცი ავტომობილში ჩაჯდა და ადგილიდან წასვლას ცდილობდა. გუჯა ბერაძე  ავტომობილში დაიღუპა.

დაჭრილია კიდევ ერთი პირი – ირაკლი კიკნაძე. ის  საავადმყოფოშია გადაყვანილი.

ვინ ისროლა, ამ დრომდე უცნობია. ადგილობრივების თქმით, ამ დრომდე დაკავებული არავინაა. ადგილზე საგამოძიებო მოქმედებები ამ დრომდე მიმდინარეობს.