სირცხვილია, პოლიციის დისკრედიტაცია ჟორიკა რურუას გამო, იმ რურუას ვისი „საგმირო საქმეებიც“ მთელმა ქვეყანამ ზეპირად იცის – ზურაბ ქადაგიძე

ექსპერტი ზურაბ ქადაგიძე სოციალურ ქსელში წერს:

„გაქცეულმა ყოფილმა პრეზიდენტმა, მიშა სააკაშვილმა ბრძანა, ყველა პოლიციელსა და სპეცრაზმელს სახლში უნდა ვესტუმროთო. 48 მილიონის ქურდმა უგულავამ – სამარცხვინო ბოძებზე გავაკრავთ მათ ფოტოებსო… და აჰა…. ვინმე ბაჩო დოლიძე, „ნაცმოძრაობის“ ახალი სახე აქვეყნებს სამართალდამცველების ფოტოებს და ყოველგვარი ახსნა-განმარტების გარეშე ადანაშაულებს უკანონო ქმედებაში.

მე ვეკითხები მას: სამართლებრივად: 1) ირღვევა თუ არა პოლიციელების უდანაშაულობის პრეზუმცია; 2) მოქმედი ოპერატიული მუშაკის იდენტიფიკაცია, სამართლებრივი ახსნის გარეშე არის თუ არა დანაშაული? მორალურად კი; 1) ყველა ამ პოლიციელს ოჯახი ჰყავს და არავის აქვს უფლება ახლობელი ადამიანების ფსიქიკაზე იმოქმედოს; 2)ამ პიროვნებებს საკუთარი კარიერა გააჩნიათ და არავის აქვს უფლება პოლიტიკური თუ მერკანტილური გამორჩენის მიზნით მიაყენოს მათ რეპუტაციული ზიანი.

თუმცა, „ნაციონალური მოძრაობისათვის”, სამართალი და მორალი ისე შორსაა ერთმანეთისგან, როგორც ცა და დედამიწა. ყველაზე პარადოქსული კი ის გახლავთ, რომ ბაჩო დოლიძე ამას კრიმინალ ჟორიკა რურუას „გასაპრავებლად“ წერს. მართლა სირცხვილია, პოლიციის დისკრედიტაციას მიზანმიმართულად აკეთებდე, თან იმ ჟორიკა რურუასი, ვისი „საგმირო საქმეებიც“ მთელმა ქვეყანამ, დიდი ხანია, ზეპირად იცის.

P.S მთლიან პოსტს სპეციალურად არ ვაზიარებ, სადაც აღნიშნული პოლიციელების ფოტოებია. ხელი შეგნებულად არ უნდა შევუწყოთ იმ უმსგავსობის ტირაჟირებას, რასაც ნაციონალური მოძრაობა შეგნებულად და მიზანმიმართულად აკეთებს“