“სინამდვილეში რატომ მოუწყო მერიამ ჯოჯოხეთი თბილისის მაცხოვრებლებს”– ლევან ღამბაშიძე

თუ არ იცოდნენ დიაგნოზი, რას მკურნალობდნენ? თუ არ იყვნენ მზად, რას მჭრიდნენ? ვინ მისცა ამათ ლიცენზია? გარანტირებული სახელმწიფო დაზღვევის გამო ხომ არ აკეთებენ ამ ოპერაციებს რომ ფული აკეთონ?

ეხლა კარგად დააკვირდით რუსთაველის რეაბილიტაციას:

გადაკეტეს იმაზე დიდი მონაკვეთი, ვიდრე ყველანი წარმოვიდგენდით. ერთდროულად მთელი რუსთაველის და ამასთან კოსტავას, ელბაქიძის, ზანდუკელის გადაკეტვა რომ ჯოჯოხეთს გამოიწვევდა, ამას ნებისმიერი მძღოლი გეტყოდათ, არა თუ სფეროს სპეციალისტი.

უცებ გვითხრეს, რომ აი ძალიან მოვინდომებთ კოსტავას მონაკვეთის სექტემბრამდე დამთავრებას და რუსთაველი ვნახოთო, იმედია დეკემბრამდეო. და თუ ასე ფრაგმენტულად შეიძლებოდა, რატომ თავიდანვე ასე არ გააკეთეს? გაეკეთებინათ ჯერ კოსტავა და მერე რუსთაველი. ან პირიქით.

შემოვლითი გზები წინასწარ კი არ იცოდნენ, არამედ უბრალოდ რუსთაველი გადაკეტეს და მოხდეს რაც მოხდებაო. საიდან ვიცით? გრიბოედოვი გადაკეტეს. ცოტა ხანში მაცხოვრებლებს სმს მიუვიდათ, ამ ქუჩაზე პარკირება გაგიუქმდათ, სადაც გინდა იქ გააჩერეთო. მერე მეორე სმსმ, მთელს მიმდებარე ტერიტორიაზე პარკირება უფასო გაცდა და სადაც გინდათ იქ გააჩერეთო. ანუ, გრიბოედოვის მაცხოვრებლებისთვის კი არ გახდა უფასო, რომ რაღაცნაირად კიდევ უფრო მეტად არ შეწუხდეს ადამიანი, არამედ ყველასთვის, რაც სრული აბსურდია. მე ვერ ვაყენებ სახლთან, მე შემეცვალა საცხოვრებელი პირობები და სხვას რატომ ეძლევა უფასო პარკირება?

და საფეხმავლო ბილიკებზე საუბარიც ზედმეტია. ხალხი მიწისქვეშაში ჩადის და ამოდის, რაღაც ფიზრის ხიდებზე გადადის და რესპუბლიკიდან მეცნიერების აკადემიამდე კატაკომბებით მოფოფხავს.

იმიტომ რომ რუსთაველს სჭირდებოდა გადაუდებელი რეაბილიტაცია? ინგრეოდა? იმიტომ, რომ მოქალაქეები ითხოვდნენ ამას? იმიტომ, რომ მერს არ ეძინა დარდით?

კორუფციის გამო იტანჯებით და სექტემბრიდან კიდევ უფრო მეტად დაიტანჯებით. ვიღაცის გამდიდრებისთვის დგეხართ საცობებში და ტყუილად იმშვიდებთ თავს, რომ “ნუ, რას ვიზამთ, რეაბილიტაციის დროს ეს ყველგან მოხდებოდა”. არ მოხდებოდა ასეთი ფორმით და არ მოხდებოდა ამდენი ხლის მანძილზე. მაგრამ ფეხებზე კიდიხართ ყველას, ფეხებზე ჰკიდია თქვენი ნერვები, თქვენი დისკომფორტი… მთავარია თავისიანების კომფორტი.