ნიკა მელიამ მოსამართლე ირაკლი შვანგირაძეს წყალი შეასხა – ამის შემდეგ სხდომაზე ხმაური ატყდა, რის შემდეგაც ოპოზიციონერი ლიდერი სასამართლო დარბაზიდან გააძევეს.
“ჩვენ ვაკეთებთ განცხადებას, რომ ადგილი ჰქონდა არაადამიანურ მოპყრობას დაკავებისას ნიკანორ მელიაზე. 191-ე პრიმა მუხლია, რომელიც განგისაზღვრავთ ვალდებულებას, იმიტომ, რომ წამებას და არაადამიანურ მოპყრობას ეხება საკითხი, თქვენ უნდა გამოიკვლიოთ ეს საკითხი და მიმართოთ შსს-ს , პენიტენციურ დაწესებულებას და პროკურატურას ამ საკითხთან დაკავშირებით” – მიმართა მოსამართლე ირაკლი შვანგირაძეს ნიკა გვარამიამ.
მანამდე ნიკა მელიამ მოსამართლეს უთხრა, რომ ისიც თანამონაწილეა იმ უსამართლობის, რასაც რეჟიმი ქვეყანაში ახორციელებს.
არავის აინტერესებს გატაცებული ვიყავი, თუ არ ვიყავი, შუშის თვალებით მიყურებთ… თქვენ ხართ თანამონაწილე. დაცვის ერთი რგოლი ხართ. უმნიშვნელო, ნაკლებად მნიშვნელოვანი თუ პირიქით, ეს არავინ ვიცით, თუმცა ფაქტია, რომ დანაშაულებრივი [ბანდის] ერთ-ერთი რგოლი ხართ, რომელსაც კითხვაც კი არ უჩნდება, აქ როგორ აღმოვჩნდი, ვინ გამიტაცა, რატომ გამიტაცა და რატომ დააზიანა მანქანაში ჩამონტაჟებული ვიდეოჩამწერი მოწყობილობები.
მეტიც, ხართ დროებით დანიშნული მოსამართლის თანამდებობაზე გამოსაცდელი ვადით. ეს ყველამ ვიცით. მომდევნო სამი წელიწადი დაგაკვირდებათ ჩინჩალაძე-მურუსიძე, მორჩილი იქნებით და ისე მიიღებთ გადაწყვეტილებებს“, – მიმართა მელიამ მოსამართლეს”, – უთხრა მელიამ მოსამართლეს.
მელიამ მოსამართლეს ისიც უთხრა, რომ “სტრატეგია აღმაშენებლის” ლიდერმა, გიორგი ვაშაძემ ბოლო წუთებში გადაიხადა გირაო, მას კი ამის უფლება წაართვეს, 21:00 საათზე ლისის ტერიტორიიდან გაიტაცეს, როცა გირაოს გადახდის ვადა 24:00 საათამდე ჰქონდა.
“მოსამართლე დანაშაულს სჩადის ამ წუთებში, სავარაუდოდ, ბოლომდე მიიყვანს, უკანონო პატიმრობაში უშვებს ადამიანს, საუბრაი იმაზე კი არა არის, ეკუთვნის, არ ეკუთვნის, პირდაპირ კანონდარღვევით, ადამიანს, უშვებს პატიმრობაში. ეს არ არის სასამრთლო პროცესი, ეს არის მართლმსაჯულების პროფანაცია, ეს არის საქმის ფაბრიკაცია, რომელსაც არაფერი უშველის ოლიგარქიის დამხობის გარდა. რაც შეეხება წყლის შესხმას-რომ გაგიტაცებს 100 კაცი, მოსამართლე არც კი მოუსმენს თქვენ ნათქვამს, მერე კი უკანონო პატიმრობაში გაგიშვებთ, ისე შეინარჩუნეთ ნერვები, რომ არც წყალი შეასხათ და არც ხმა ამოიღოთ”, – განაცხადა ნიკა გვარამიამ.
წყარო – ტვ პირველი
კომენტარები