შსს მოქალაქეს თავისი ნაცნობის მიმართ შეურაცხმყოფელი ფბ კომენტარის გამო ედავება

შსს-ს გიორგი მელითაურს ფოტოგრაფი ლევან ზაზაძის სოციალურ ქსელში შეურაცხყოფას ედავევება. ინფორმაციას ნეტგაზეთი ავრცელებს.

გამოცემის ცნობით, შინაგან საქმეთა სამინისტროს ადამიანის უფლებათა დაცვის დეპარტამენტის “სიძულვილის ენის წინააღმდეგ ბრძოლის სამმართველომ” სავარაუდო სამართალდარღვევის ოქმი მელითაურის წინააღმდეგ სოციალურ ქსელში არსებული კომენტარის საფუძველზე შეადგინა.

ზაზაძემ ნეტგაზეთთან საუბარში თქვა, რომ “ძალიან დიდი აბსურდია ჯერ ზოგადად ადამიანებს სოციალურ ქსელში დაწერილი კომენტარების გამო რომ ასამართლებენ, ჯარიმებს აკისრებენ და არ არის გამორიცხული, საერთოდ პატიმრობაში გაუშვან. მაგრამ, მეორე საკითხია და ყველაზე აბსურდული ის არის, რომ ჩემს ნაცნობს საქმე აღუძრეს, ჩემი შეურაცხყოფის საფუძვლით. ანუ, ვიღაცებმა გადაწყვიტეს რომ ჩემი ღირსება დაიცვან ჩემი ნაცნობ-მეგობრისგან და გადასცეს საქმე სასამართლოს. ეს არის აბსურდი”