შრი-ლანკის პრეზიდენტმა, გოტაბაია რაჯაპაკსამ სამხედრო თვითმფრინავით ქვეყნიდან გაიქცა მასობრივი პროტესტის ფონზე. ამის შესახებ ინფორმაციას BBC ავრცელებს.
ქვეყნის საჰაერო ძალებმა დაადასტურა, რომ 73 წლის პრეზიდენტი მეუღლესთან და უსაფრთხოების ორ თანამშრომელთან ერთად მალდივებში გაფრინდა.
ისინი დედაქალაქში, მალეში, ადგილობრივი დროით 03:00 საათზე (22:00 GMT) ჩავიდნენ.
პრეზიდენტის წასვლით დასრულდა ოჯახური დინასტია, რომელიც ათწლეულების განმავლობაში მართავდა შრი-ლანკას. ის იმალებოდა მას შემდეგ, რაც პროტესტის მონაწილეები რეზიდენციაში შეიჭრნენ შაბათს. პრეზიდენტმა პირობა დადო, რომ ოთხშაბათს, 13 ივლისს გადადგებოდა.
წყარომ BBC-ს განუცხადა, რომ ბატონი რაჯაპაქსა არ დარჩება მალდივებში და აპირებს გამგზავრებას მესამე ქვეყანაში.
მისმა ძმამ, ფინანსთა ყოფილმა მინისტრმა, ასევე, დატოვა შრი-ლანკა და როგორც ამბობენ, აშშ-ში მიემგზავრება.
კომენტარები