“შპრიცები რომ გაჩნდა სადარბაზოებში, ფასების ასტრონომიული ზრდაც დაიწყო, ნაცმოსკენ მოიხედეს, მაგრამ რა დახვდათ?” – თამარ ცოფურაშვილი

“როდესაც მიშა წავიდა ხელისუფლებიდან, ვთვლიდი, რომ ქოცები მალე გამოფხიზლდებოდნენ, მიხვდებოდნენ, რაც მოხდა და ისევ მიშასკენ მობრუნდებოდნენ.

მართლაც, როგორც კი შპრიცები გაჩნდა სადარბაზოებში, ეგრევე ატეხეს წუწუნი მოზარდების მშობლებმა. მერე კრიმინალმა რომ წამოჰყო თავი და მეტ–ნაკლებად შეეხო ყველას, კიდევ უფრო აწუწუნდნენ, ბოლოს ფასების ასტრონომიული ზრდაც დაიწყო და თითქოს ისევ ნაცმოსკენ უნდა მოეხედათ და მოიხედა კიდეც ნაწილმა, მაგრამ რა დახვდათ?

გაერთიანებული ოპოზიცია, რომლის ერთერთი სუბიექტი მარი–ხუანას ლეგალიზაციისთვის იბრძვის, ხაზარაძე, რომელმაც საქართველოს ლამის ერთი მეოთხედი უბინაოდ დატოვა და უბინაოდ დარჩენილი ადამიანი აღარ არჩევს სამართლიანად დარჩა თუ უსამართლოდ, ევროქოცები, რომლებიც უკიდურესად არაპოპულარულები არიან და არცთუ უსაფუძვლოდ.

პერიოდულად ლირიკული გადახვევებიც გვქონდა: ჩვენ დღეს ყველანი ბესელიები ვართ, ან ბასიანელ მომსპარი ნარკუშებთან ჩახუტება და ბოლოს აგერ თვალთხარიასთან ალიანსი, რომლის დროსაც კრიმინალი ისე ყვაოდა, მთლად მინისტრებს და პარლამენტარებს ძარცვავდნენ, რომ არაფერი ვთქვათ პატრიოტი ახალგაზრდების თვალების დათხრაზე. მერე ესეც არ გვეყო და მადამ გავთხაროსაც კი შევეტყანით მსუბუქად, როცა უკრაინის ბედ–იღბალზე დაიწყო ქვითინი და კარგად ვუბრაგუნეთ ტაში.

დიდი ხანია ვისმენთ ფორმულას: ყველა გარდა ბიძინასი, მაგრამ სიმართლე გითხრათ, ვერანაირად ვერ ვხვდები ეგ რას ნიშნავს.

ოფიციალურად ბიძინა დღეს რიგითი მოქალაქეა, სადღაც ჭორვილის სახლში შემძვრალი და რა უნდა უყოთ, ის სახლი უნდა წაართვათ, როცა ყველანი გაერთიანდებით?

თუ სერიოზულად ფიქრობთ, რომ ეგ ბიძინას ნახმარი თეთრეული, ალიანსში რომ ხართ, საქმე–საქმეზე რომ მიდგეს და ბიძინამ ერთი თითი დაუქნიოს, ისევ არ გავარდება მისკენ ვაზელინწასმული?

რაღა დაგიმალოთ და დიდი ეჭვი მაქვს, არც არასდროს წამოსულან მისგან.

ერთადერთი, ვისდამიც ნოსტალგია ჰქონდა ხალხს და ფიქრობდა, რომ თუ მობრუნდებოდა, იქნებ რამე შველებოდა ამ ქვეყანას, ციხეშია გამოკეტილი და ცოტა ხანში ოჯახის წევრების მეტი აღარვინ მივა მის სასამართლოზე.

ჰოდა, იმ ხალხმა, რომელმაც ნელ–ნელა ნაცმოსკენ დაიწყო ყურება, ისევ შეგაქციათ ზურგი და ახლა საბოლოოდ. ყველა მეორე წერს: ნაცები და ქოცები რამ გაჰყოო.

თქვენი არ ვიცი, მაგრამ მე ნამდვილად არ მიბრუნდება ენა, შევეკამათო, მასხარად ამიგდებენ.”