შიმშილობის შემთხვევებისა უმეტესობა საპატიმრო დაწესებულებებზე მოდის, ამიტომ ციხის საავადმყოფოებს ამგვარი პაციენტების მკურნალობის მეტი გამოცდილება აქვთ – ამის შესახებ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.
„მსოფლიო გამოცდილება გვაჩვენებს, რომ ყველაზე კარგი ექსპერტიზა შიმშილობის და პოსტშიმშილობის მკურნალობისა და ადამიანობის ჯანმრთელობის აღდგენისა აი ამ პერიოდში, შიმშილობის პერიოდში, აქვთ სწორედ ციხის საავადმყოფოებს. იმიტომ, რომ ყველაზე მეტი გამოცდილება სწორედ მათ უგროვდებათ. თქვენ, ალბათ, ვერ მომიყვანთ ფაქტებს, როდესაც სამოქალაქო ცხოვრებაში ადამიანები შიმშილობენ. ძირითადად ეს ხდება საპატიმრო დაწესებულებებში, არა მხოლოდ საქართველოში, არამედ მთელი მსოფლიოს მასშტაბით”, — განაცხადა ნიკოლოზ სამხარაძემ.
კომენტარები