ევროპული საქართველოს თავჯდოამარე გიგა ბოკერია ერთიანი ნაციონალური მოძრაობის ოფისთან მიხეილ სააკაშვილის გათავისუფლების მოთხოვნით დაწყებულ შიმშილობის აქციას ეხმიანება.
არცერთ ავტორიტარულ რეჟიმს შიმშილობის გამო ძალაუფლება არ დაუთმია. შიმშილობა რაღაც ვითარებაში შეიძლება ყოფილიყო კომპონენტი, ეგეც სადაოა, როდესაც სხვა ფაქტორებიც წნეხის არსებობს და ჩვენ, დღეს გვაქვს საპირისპირო ვითარება, როდესაც გავრილოვის ღამისგან განსხვავებით, როდესაც თავდაცვით მდგომარეობაში იყო ივანიშვილის რეჟიმი, იმიტომ, რომ ნახა ფართო საზოგადოების პროტესტი. არაპარტიული ხალხის, არა თუნდაც პოლიტიკურად აქტიური სამოქალაქო ჯგუფების, ან მედია ჯგუფების, არამედ უფრო ფართო, რამაც შეაშინა და სამართლიანად, სწორად შეაშინა. საერთაშორისო წნეხიც თანმიმდევრული და კომუნიკაციის გამო იზრდებოდა. სამწუხაროდ, კოვიდმა გადაარჩინა ისინი ამ ვითარებისგან და უკვე მაგის შემდეგ, 2020 წლის და ამ არჩევნების შემდეგ, ბევრი შეცდომის შემდეგ, რაც ოპოზიციის ლიდერებმა დაუშვეს სხვადასხვა ეტაპზე, ახლა არის ძალის დემონსტრირების რეჟიმში. შიმშილობა არის სასოწარკვეთა უკეთეს შემთხვევაში და უარეს შემთხვევაში უბრალოდ ბურთის გადაგდება, რომ იმ მომენტში გადარჩე პოლიტიკურად, შენი პარტიის შიგნით, მეტი არაფერი არ არის ეს. ივანიშვილის რეჟიმი არის ახლა ძალის დემონსტრირების რეჟიმში, ცდილობენ მაქსიმუმი ამოწურონ ამ ვითარებიდან, რომ დემორალიზება მოხდეს რაც შეიძლება მეტი ხალხის, რომ დიდი ხნით საფრთხე შეიმცირონ. სამწუხაროდ, გარკვეულ წარმატებას მიაღწიეს ამ ეტაპზე და ჩვენ არ უნდა დავუშვათ, რომ ეს წარმატება კიდევ უფრო გააღრმავონ – თქვა ბოკერიამ.
კომენტარები