სურსათის ეროვნულმა სააგენტომ გორის მუნიციპალიტეტის სოფელ კარალეთში მდებარე ფრინველთა სასაკლაოს საწარმოო პროცესი შეუჩერა.
სააგენტოს შიდა ქართლის დეპარტამენტის ინსპექტორებმა ინდივიდუალური მეწარმე ვ.ზ.-ს კუთვნილი ობიექტი სახელმწიფო კონტროლის ფარგლებში შეამოწმეს.
უწყების ინფორმაციით, შემოწმებისას დადგინდა, რომ მეწარმე საქმიანობას სააგენტოს სავალდებულო აღიარების გარეშე ახორციელებდა. ამასთან, ობიექტზე გამოვლინდა სურსათის უვნებლობის მოთხოვნების დარღვევა და კრიტიკული შეუსაბამობები.
კანონმდებლობის შესაბამისად, ბიზნესოპერატორი დაჯარიმდა, სასაკლაოს კი საწარმოო პროცესი შეუჩერდა.
სურსათის ეროვნული სააგენტო მეწარმეებს მოუწოდებს, პროდუქცია შესაბამისი აღიარების გარეშე არ აწარმოონ და საქმიანობისას სურსათის უვნებლობის დადგენილი სტანდარტები დაიცვან.
კომენტარები