სპორტული ჟურნალისტი, დავით ბაკურაძე, სოციალურ ქსელში, წერს:
“რომელიმე ტროლი გინახიათ რეალურად?… მე ვნახე წეღან… ის ტროლი კი არა სადღაც მორდორში, მორიის ნისლიან ბნელ ტყეში რომ ცხოვრობდა, არამედ ის, ვისაც ვეძახით ინტერნეტში… გასული ვიყავი დიდუბეში და შევესწარი სცენას – ავტოსადგურის გაჩერებაზე ვიღაც 40-45 წლის ქალი ყვიროდა..როგორც გაირკვა მის ფორდ ფიესტას, რომელიც დააყენა ნახევარი საათის წინ, ვიღაცამ უკნიდან მიუყენა ოპელ ასტრა და ვეღარ გამოდიოდა…
– ვინ არი ამ ჯაბახანის პატრონი?!..გაათრიე დროზე სანამ დამილეწია შე @@ეო!… შენი დებილი დედა მოვ@@ან!…
გამოვიდა ვიღაც შუახნის გამხდარი ტიპი
– რატომ იგინები ქალბატონო?!..სულ 5 წუთით გავაჩერე აპარატში უნდა ჩამერიცხა..ეხლა ნაპრინციპ არ გავიყვან სანამ @@ისთვის და დედის გინებისთვის ბოდიშს არ მოიხდი!…და ისევ წავიდა..ის ქალი გაშრა…ჯერ დამუნჯდა, მერე კი უარესად აყვირდა:
– სად წახვედი შე სი@ოო! მოდი მომაშორე შენი დრანდულეტი სანამ ჯართად არ მიქცევია!…
მაგრამ ის კაცი გაქრა…ქალმა თავის მანქანაში დაუწყო რაღაცას ძებნა, მგონი მართლა აპირებდა იმ ოპელის დალეწვას, წამოვედი და უცებ ვხედავ ის კაცი მიდის ჩემს წინ 30 მეტრში..დავეწიე
– მეგობარო! გადააყენე შენი მანქანა თორემ მართლა დალეწვას აპირებს ის ქალი!..
– რა მანქანა?.. ააა..არა მყავს მანქანა..უბრალოდ ვერ ვიტან ქალი რომ იგინება…”
კომენტარები