“შენ რა გგონია, რომ პუტინი ეგეთი @ლეა? – შანსი არაა, ძმაო! რამე ექნება ჩაფიქრებული!” – რას წერს ლევან ყურაშვილი

მაჩოს, თავზეხელაღებულის, ყველაფერზე წამსვლელის, გენიალური სტრატეგის.

რომ ყველაფერი გათვლილი აქვს. როცა გგონია, რომ მარცხდება, ეგეც მისი გათვლაა – გეგონოს, რომ მარცხდება.

ამ იმიჯს ამყარებდა რეალური წარმატებები.

წარმატებები, რომელსაც მიაღწია ე.წ. აპარატჩიკული ბრძოლით. გინდა ქვეყნის შიგნით, გინდა გარეთ. პლუს, დასავლელი სისტემური პოლიტიკოსების უსახობითა და გაუბედაობით.

ყოვლისშემძლე იმიჯში დააჯერა არამარტო საკუთარი ბიდლო, არამედ ის ხალხიც, ვისაც პუტინი სძულს.

ამიტომაცაა, რომ როცა ვლაძიმირ ვლაძიმიროვიჩის თავს რამე ფარსაგი ხდება, ადამიანები ეძებენ მის ჩუმ ჩანაფიქრს, მის გეგმას, რომ ეს ყველაფერი გათვლაა: “აბა, შენ რა გგონია, რომ პუტინი ეგეთი ყლეა? – შანსი არაა, ძმაო! რამე ექნება ჩაფიქრებული!” – რამდენჯერ მოგისმენიათ მსგავსი ფრაზა იმ ადამიანებისგან, ვისაც იგი ორგანულად ეზიზღება?

რეალობა ისაა, რომ პუტინმა თავი გაყო მისთვის სრულიად უცხო სიტუაციაში:

ომში, რომელიც დაგეგმილი იყო, როგორც პატარა კგბ-შნიკური სპეცოპერაცია და მსგავსი ოპერაციები, როგორც ძველ საბჭოთა აპარატჩიკსა და კგბ-შნიკს, გადასარევად ესმის.

მისთვის სამწუხაროდ, სპეცოპერაცია გადაეზარდა სრულმასშტაბიან, კონვენციურ ომში. სადაც აპარატჩიკული ინტრიგები არ მუშაობს, სადაც მუქარა არ ჭრის, სადაც საქმე გაქვს არა უსახო, გაუბედავ პოლიტიკოსებთან, არამედ ასობით ათას გაბრაზებულ, პროფესიონალ სამხედროსა და ოფიცერთან. სადაც რეალურად უნდა იომო და შენი ინტრიგების ხლართვით გამარჯვების ნულოვანი შანსი გაქვს.

წელიწადზე მეტია პუტინი არის მისთვის სრულიად უცხო სიტუაციაში, მოქმედებს იმპულსურად და არის რეაგირების რეჟიმში. და რაც უფრო მეტს ფართხალებს, მით უფრო მძიმდება მისი მდგომარეობა.

ამიტომ, ჩემი რჩევა იქნება, ნუ ეძებთ შეთქმულებასა და პუტინის გენიალურ გეგმას იქ, სადაც ის უბრალოდ არაა.

ქვემოთ, ვიდეოზე 2022 წლის 31 მარტია. ორი უკრაინული მი24 ბელგოროდში შეფრინდა და ნავთობბაზა დაბომბა.

როგორც ახლა, მაშინაც ისმოდა ზუსტად იგივენაირი, შიშნარევი ვარაუდები, რომ ეს დაბომბვა თავად პუტინმა მოაწყო, რომ ეს მისი გეგმაა, რომ ახლა ნამდვილ ომს დაიწყებს, რომ ახლა უკრაინას მიწასთან გაასწორებს და ა.შ.

გავიდა ამ ვიდეოს გადაღებიდან 1 წელი და ბელგოროდის, ბრიანსკის, როსტოვისა და ყირიმის დაბომბვა ჩვეულებრივი, ყოველდღიური რუტინაა.

ხოლო პუტინის გენიალური გეგმა არავის უნახავს.

კრემლის თავზე დრონის აფეთქების გამო შეუძლია სამაგიეროს გადახდა და რადას დაბომბვა? – რა თქმა უნდა, შეუძლია.

ზელენსკის ოფისს დაბომბავს? – ნამდვილად არაა გამორიცხული.

რამეს უშველის ეგ დაბომბვები და გამარჯვებასთან ოდნავ მაინც მიაახლოვებს? – ნულოვანია მაგის შანსი.

პუტინი ამ ომს აგებს. აგებს მისი დაწყების პირველივე წუთიდან. უფრო სწორად, მსგავსი ოპერაციის ასე იდიოტურად დაგეგმვის მომენტიდან და აწი მართლა ღვთიური სასწაული თუ გადაარჩენს.

როგორც წესი, ბებერი კგბ-შნიკები კოლონიალურ ომებს ვერ იგებენ!”