“შემიძლია მხოლოდ მოვუწოდო საქართველოს ხელისუფლებას, დააჩქაროს რეფორმებზე მუშაობა”, – ამ განცხადებას საქართველოში ევროკავშირის ელჩი, პაველ ჰერჩინსკი აკეთებს.
ელჩი გამოეხმაურა აღმოსავლეთ პარტნიორობის სამოქალაქო საზოგადოების ფორუმის მიერ გამოქვეყნებულ „აღმოსავლეთ პარტნიორობის ინდექსს“.
ევროკავშირის წევრობის მოპოვება ხანგრძლივი და რთული პროცესია, მაგრამ არ არის აუცილებელი ხანგრძლივი პროცესი, როდესაც საქმე ვადებს ეხება. ეს დამოკიდებულია იმაზე, თუ რამდენად სწრაფად განახორციელებს საქართველო რეფორმებს. ეს რეფორმები დასახული არ არის ბრიუსელისთვის ან სხვა ვინმესთვის თავის მოსაწონებლად. ისინი დადგენილია იმისათვის, რომ საქართველო გახდეს უფრო ძლიერი, სტაბილური დემოკრატიული ქვეყანა, ამიტომ თავად საქართველოს ინტერესებშია განახორციელოს ეს რეფორმები და იყოს მზად ევროკავშირში შესვლისთვის“, – განაცხადა ელჩმა.
ჰერჩინსკის თქმით, ყველა ეს რეფორმა აბსოლუტურად აუცილებელია იმისთვის, რომ საქართველომ ევროკომისიის მიერ დადგენილ 9 დათქმასთან დაკავშირებით პროგრესს მიაღწიოს.
ჩვენ გვინდა ვიხილოთ საქართველო ძლიერი, სტაბილური ქვეყანა ძალიან ძლიერი, კარგად მოქმედი პროფესიული ინსტიტუტებით და გვინდა მივესალმოთ საქართველოს, როგორც ევროკავშირის წევრს რაც შეიძლება სწრაფად. ასე რომ, დიახ, მუშაობა უნდა დაჩქარდეს. ჩვენ, როგორც ევროკავშირის დელეგაცია აქ, თბილისში, მზად ვართ დავეხმაროთ ჩვენს ხელთ არსებული ყველა ინსტრუმენტით. მიმდინარეობს ინტენსიური კონტაქტები შესაბამის ხელისუფლებასა და კოლეგებს შორის ბრიუსელში და დიდი იმედი მაქვს, რომ მიუხედავად არჩევნებისა, რომელიც ოქტომბერში გველოდება, პარალელურად გაგრძელდება ძალიან შრომატევადი მუშაობა, რათა განხორციელდეს საჭირო რეფორმები 9 ნაბიჯის შესრულების კუთხით პროგრესის მისაღწევად ისე, რომ, რაც შეიძლება მალე გადავიდეთ ევროინტეგრაციის პროცესის შემდეგ ეტაპზე -გაწევრიანებისთვის მოლაპარაკებების გახსნაზე“, – აღნიშნა ელჩმა.
კომენტარები