“შემდეგ დასკვნაში იქნება, ალბათ, ჩაის და ვარდების შესახებ ჩანაწერი” – მდინარაძე

“ქართული ოცნების” ფრაქციის თავმჯდომარე, მამუკა მდინარაძე საერთაშორისო გამჭვირვალობის ანგარიშს ეხმაურება და ამბობს:

“შემდეგ დასკვნაში იქნება, ალბათ, ჩაის და ვარდების შესახებ ჩანაწერი. ამის სურვილი აქვთ ალბათ 2003 წლის რაღაც ისტორიის გამეორების, ამის სურვილს გამოთქვამენ ხოლმე ხმამაღლა, თუმცა მე მგონია ქვეცნობიერი ასეთ შეცდომებს არ უნდა აშვებინებდეს ისეთ ორგანიზაციას, რომელსაც მეტი მოეთხოვება არა მხოლოდ იმის გამო, რომ ყველაზე მდიდარი NGO არიან, არამედ არ შეიძლება ისეთი რაღაცების ჩაწერა რაც გამხელს შენს სურვილებში და ოცნებებში ეს არ არის დოკუმენტი, რომელიც სურვილებზე და ოცნებებზე უნდა იყოს იმიტომ, რომ პარლამენტის დარბაზში მოხვედრა საშვის გარეშე პრაქტიკულად უპრეცედენტოა. ევროპის ქვეყნებში ასეთი დაშვება არ არსებობს, სად ნახეს ან საიდან მოიტანეს, ან რა სურვილია, რომ ნებისმიერი მოქალაქე შევიდეს დარბაზში საშვის გარეშე, ამაში ალბათ ქვეცნობიერის წადილის ამოკითხვა რთული არ არის, არასერიოზულია, როდესაც მთავარი აქცენტები კეთდება, როდესაც საქართველოს პარლამენტის მთავარი პრობლემა და გამოწვევა, რომ ყოფილა, რომ დარბაზში ადამიანი ვერ ხვდება უსაშვოდ. ეს ამბავი სჭირდებათ და ამას გვეუბნება მათი ქვეცნობიერი” – ამბობს მამუკა მდინარაძე

„საერთაშორისო გამჭვირვალობა – საქართველომ” შეაფასა ღია მმართველობის მუდმივმოქმედი საპარლამენტო საბჭოს საქმიანობა 2020 წლის 11 დეკემბრიდან 2022 წლის 17 ივნისის ჩათვლით პერიოდში. დასკვნის მიხედვით, საანგარიშო პერიოდში პრობლემას წარმოადგენდა არასამთავრობო სექტორის, მედიისა და მოქალაქეებისათვის პარლამენტის შენობაში შესვლა და სხდომებზე დასწრება