არქიტექტორ-რესტავრატორი ნესტან თათარაშვილი სოციალურ ქსელში წერს:
„ჩემს მეგობარს, დარეჯან მღებრიშვილს (სახელს იმიტომ ვწერ, რომ აქ ბევრი მისი ნაცნობია, და იქნებ ყველამ ილოცოს მისთვის), გარდაეცვალა ნათესავი და წავიდა წყალტუბოში დასაფლავებაზე. იყო პირბადით, არავისთვის არ უკოცნია, მაგრამ რამდენიმე ნათესავთან გამომშვიდობებისას იყო ზედმეტად ახლოს.
თბილისში ჩამოსვლის შემდეგ მასაც და მის თანამგზავრსაც მისცა სიცხე. დარეჯანს დაეწყო ხველებაც, სიცხე მისცა დედამისსაც და მის ძმასაც. დარეჯანმა ტესტი გაიკეთა პოლიკლინიკაში გამრეკელის ქუჩაზე და რადგან ტესტის პასუხი არ მიიღო (!!!!) დროულად არ წავიდა საავადმყოფოში.
საბოლოოდ ყველას დაუდასტურდათ კოვიდი. დარეჯანი, რომელსაც არავითარი ქრონიკული დაავადებები არ აწუხებდა (ზედმეტი წონის გარდა) რამდენიმე დღეში ძალიან ცუდად გახდა, ახლა არის რეანიმაციაში ხელოვნურ სუნთქვაზე, აქვს ტრომბები ფილტვებში, გაეთიშა ერთი თირკმელი.
ასეთივე მდგომარეობაშია მისი დედა სხვა საავადმყოფოში. რადგან უმცროს ძმას კლინიკაში გადაყვანამდე უფროსი ძმა უვლიდა, ამიტომ ის იზოლაციაშია.
ერთი სიტყვით მთელი ოჯახს ის დაემართა, რაც ამ გაზაფხულზე ხშირად გვესმოდა იტალიიდან – ღმერთმა დაიფაროს, უფალო შეიწყალე, მაგრამ ისე შეიძლება დაიღუპონ ვერც გამოემშვიდობონ ერთმანეთს…
გთხოვთ, იყავით ყველა ძალიან ფრთხილად. ისეთი ნაცნობებიც მყავს, ძალიან ადვილად რომ დაამარცხეს ეს ვირუსი, მაგრამ ყველა შემთხვევა ინდივიდუალურია და არ არის სახუმარო. გისურვებთ ჯანმრთელობას თქვენც და ჩემს დარეჯანსაც თავისი ოჯახით“
კომენტარები