“ქართული ოცნების” თავმჯდომარე ირაკლი კობახიძე:
„ერთ მხარეს არიან უკრაინის ხელისუფლების მაღალჩინოსნები, რომლებიც პირდაპირ საუბრობენ იმაზე, რომ მათ სურთ საქართველო იხილონ, როგორც მეორე ფრონტი და მეორე მხარეს არის ხატია დეკანოიძე, რომელმაც გუშინ აღიარა, წამოცდენა ჰქონდა, რომ საქართველოს უნდა შეესრულებინა ეს ფუნქცია და უნდა ყოფილიყო ამ ე.წ. სარტყლის შემადგენელი ნაწილი. საქართველოში მათ სურთ ომი, მეორე ფრონტი, უბრალოდ, პირდაპირ არ აბამენ შანტაჟს ამ მეორე ფრონტის თემას. გავიმეორებ, რა თქმა უნდა, სჯობს ისინი ღიად გამოვიდნენ და პირდაპირ უთხრან ხალხს, რა ითხოვენ, ჰკითხონ ქართველ ხალხს – სურს თუ არა ჩაერთოს მეორე ფრონტის სახით ომში, არ ვიცი, შეგვიძლია პლებისციტიც ჩავატაროთ ამ თემაზე. ხალხს ვკითხოთ, ქართულ საზოგადოებას სურს თუ არა, რომ ჩაერთოს იმ ომში, რომელიც დღეს არის სამწუხაროდ, უკრაინაში. ეს უნდა იყოს ხალხის მიერ გადასაწყვეტი საკითხი. კიდევ ერთხელ გავიმეორებ, ხალხმა შეიძლება ბიძინა ივანიშვილსაც უთხრას, რომ თუ ის ხელს შეუწყობს ამ გადაწყვეტილების მიღებას, მოგეხსენებათ, ითხოვენ მისგან პოლიტიკაში დაბრუნებას და ამ გადაწყვეტილების წახალისებას, ხალხს შეუძლია ბიძინა ივანიშვილს ეს მოუწოდოს. ამ შემთხვევაში, საკუთარ მილიარდნახევარსაც გაუფრთხილდება და გარდა ამისა, შესრულდება ის მოთხოვნა, რომელიც აქვთ კონკრეტულ ადამიანებს – აქეთ, ხატია დეკანოიძეს, იქით უკრაინის ხელისუფლების მაღალჩინოსნებს და ასე შემდეგ. მაგრამ ეს საკითხი ხალხის წინაშე უნდა დაისვას ძალიან ღიად. ჩვენ რომც გვინდოდეს ომში ჩაბმა, ბუნებრივია, ხალხის ნების წინააღმდეგ ამას ვერ გავაკეთებთ. დემოკრატიის ელემენტარული პრინციპია, რომ ხალხს უნდა ჰკითხო, თუ ხალხი გვეტყვის, რომ სურს ჩაერთოს ამ ომში, მაშინ არ ვიცი, ამ შემთხვევაში, შეგვიძლია ყველამ ერთად განვიხილოთ ეს საკითხი. ბუნებრივია, გავყვებით ხალხის ნებას. მოსახლეობის უმრავლესობას თუ სურს, რომ უკანასკნელ ქართველამდე იბრძოლოს, რა თქმა უნდა, შეგვიძლია ამაზე ვიმსჯელოთ”
კომენტარები