პოლიტოლოგი, გია ხუხაშვილი “პალიტრანიუსთან” ამბობს:
5 ივლისის დრამამ და შემდგომში განვითარებულმა მოვლენებმა მე გამომიყვანა წონასწორობის მდგომარეობიდან, ანუ იმ პოზიციიდან, რომლიდანაც თავს უფლებას ვაძლევ მონოლოგის რეჟიმში გესაუბროთ და რომ არ ვყოფილიყავი ტენდეციური, არ გამოვჩენილიყავი მხარედ, თავი შევიკავე კომუნიკაციისგან.
მიოუხედავად იმისა, რომ მაქსიმალურად კრიტიკული ვარ ხელისუფლების მიმართ, ვცდილობ, ვიყო მაქსიმალურად ობიექტური.
მინდა გავიმეორო, სამოქალაქო საზოგადოების, სამოქალაქო აქტივის მთავარი ფუქცია ხელისუფლების კრიტიკაა, ობიექტური, არგუმენტირებული კრიტიკა. ჩვენი ძირითადი ფუნქცია არ არის ოპოზიციის, მედიის კრიტიკა, გამომდმინარე იქედან, რომ სწორედ ხელისუფლება გახლავთ ძალადობაზე მონოპოლისტი და ჩვენი ვალია, მაქსიმალურად დავაბალანსოთ ეს მონოპოლია, რომ მოუკრეფავში არ გადავიდეს ეს ყველაფერი, თუმცა, ხედავთ, რომ ჩვენი საშუალება შეზღუდულია და ამაზე მეტყველებს 5 ივლისის მოვლენები, როდესაც ხელისუფლებამ ან პირდაპირ იძალადა მედიასა და საზოგადოებაზე, ან ხელი შეუწყო ამას.
სამწუხაროდ, საზოგადოებაში დამკვიდრებულია ე.წ. აგრესიული კომფორმიზმი, ადამიანები, რომლებიც იჯერებენ ყველაფერ ცუდს, მათ შორის ტრაგიკული მოვლენების დროსაც კი. ხელისუფლება ქმნის ისე განწყობას, ერთი ნარკომანი იყო ვიღაცა და დიდი ამბავი თუ დაიღუპა და ცდილობა გაწყვიტოს კავშირი 5 ივლისსა და მის გარდაცვალებას შორის, ტალახის ნიაღვარს ესვრის და ცდილობს მისი დისკრედიტაცია მოახდინოს. შემაშფოთლებლად დიდი ნაწილი ამას იჯერებს და ამის დისტრიბუციას ეწევა და საუბრობენ, რომ ნარკომანი და მამაძაღლი და თურმე, მედია ძალადობს ვიღაცაზე და მეტი რა გზა დარჩენია, უნდა გატყიპოს მედია…. ამ აბსურდში და სიძულვილში მოგვიწია ეს დღეები ცხოვრება.
მე მინდა ამ ადამიანებს, რომლებიც აგრესიულად კომფორმისტები არიან, ვუთხრა, ბოროტების გამართლება, შესაძლო უფრო დიდი ბოროტებით იგივე ბოროტებაა და საუბარი იმაზე, რომ “მიშას ჩამოსვლა გინდა?”- ეს არის აბსურდული, მიუღებელი, და ბოროტების მასტიმულირებელი არგუმენტი. არ არსებობს დიდი და პატარა ბოროტება, ბოროტება ბოროტებაა და თუ შენ ეგუები პატარა ბოროტებას, ხვალ შეეგუები დიდსაც. ხვალ და ზეგ ეს განუკითხაობა შეიძლება მათაც შეეხოს.
ჩამოდის ახლა შარლ მიშელი, რომლის ხელმოწერილი დოკუმენტი დადგა საფრთხის ქვეშ, დოკუმენტის ერთ-ერთ პუნქტს უხეშად არღვევს ხელისუფლება, მისი პრესტიჟის საქმეა, ეს საქმე დაარეგულიროს.
ძალიან მძიმე განცხადებები მოვისმინეთ აშშ-ის ელჩის მხრიდან, რომელმაც პირდაპირ მიანიშნა, რომ არსებობენ წამქეზებლები და დამფინანსებლები ამ ყველაფრის და ეს საქმე უნდა იყოს გამოძიებული მთლიანად, არამხოლოდ შემსრულებლის, არამედ ორგანიზატორის საკითხშიც, ამას მოჰყვა სახელმწიფო დეპარტამენტის ძალიან კატეგორიული განცხადება, ასე რომ, ძალიან დრამატული, მაგრამ ძალიან საინტერესო პროცესი მიდის. წყალგამყოფთან ვართ ძალიან ახლოს და ძალიან ბევრი იქნება დამოკიდებული ამ 2-3 თვეზე, თუ რა ვექტორით გავითარდება ჩვენი სამშობლო, ჩვენი საქართველო.”
კომენტარები