“შარლ მიშელის მადლი გფარავდეთ” – ევროპარლამენტართა ჯგუფის განცხადებას შალვა ნათელაშვილი ეხმიანება

“მოგვჭამა ჭირი ახალმა არჩევნებმა. აი რა იცის 19 აპრილის შარლ მიშელის შეთანხმებაზე ხელმოწერამ და პარლამენტში ოპოზიციის შევარდნამ. მაინტერესებს ან ასარჩევი ან ამომრჩეველი თუ გრძნობს სულ პატარა სინდისის ქეჯნას მაინც ქვეყნისა და მომავლის წინაშე? შარლ მიშელის მადლი გფარავდეთ. მონას რაც უნდა თავისუფლება მიანიჭო მაინც მონად დარჩება.” – წერს სოციალურ ქსელში ლეიბორისტული პარტიის ლიდერი შალვა ნათელაშვილი. 

ნათელაშვილი აღნიშნული პოსტით ეხმიანება ევროპარლამენტართა ჯგუფის მიერ საქართველოში ჩატარებულ ადგილობრივი თვითმმართველობის არჩევნების პირველ ტურთან დაკავშირებით გავრცელებულ განცხადებას.„გვსურს ვაღიაროთ, რომ საქართველომ, ევროკავშირის მნიშვნელოვანმა პარტნიორმა, 2 ოქტომბერს კონკურენტუნარიანი და კარგად ორგანიზებული ადგილობრივი არჩევნების პირველი რაუნდი ჩაატარა, მიუხედავად უკიდურესად პოლარიზებული პოლიტიკური გარემოსა და რთული ეპიდემიოლოგიური სიტუაციისა. თუმცა, წინასაარჩევნო გარემო არ უზრუნველყოფდა თანაბარ პირობებს კონკურენტი მხარეებისა და კანდიდატებისთვის და ძირითადი ყურადღება ადგილობრივი საკითხებიდან ეროვნულ საკითხებზე იყო გადატანილი.
ჩვენ ვითვალისწინებთ ცენტრალური საარჩევნო კომისიის მიერ გამოცხადებულ შედეგებს, რომლის თანახმად, „ქართული ოცნების“ კანდიდატებმა ხმების 46.6% მოიპოვეს და 43%-იანი ბარიერი გადალახეს, რაც, ევროკავშირის შუამავლობით მიღებული 19 აპრილის შეთანხმების თანახმად, ვადამდელი საპარლამენტო არჩევნების ჩატარებას გამოიწვევდა“, – აღნიშნულია განცხადებაში.