“საზოგადოებამ თავისუფლად შეიძლება მიანიჭოს გმირობის კვალიფიკაცია” – თავდაცვის მინისტრი

თავდაცვის მინისტრი ჯუანშერ ბურჭულაძე სამების საკათედრო ტაძარში გუდაურში ვერტმფრენის ჩამოვარდნის შედეგად დაღუპულთა სამოქალაქო პანაშვიდზე მივიდა.

„ვუსამძიმრებ სრულიად საქართველოს საზოგადოებას, ეს არის ჩვენი ტრაგედია, როდესაც საჯარო მოხელე ეწირება სხვისი სიცოცხლის გადარჩენას, ამას საზოგადოებამ თავისუფლად შეიძლება მიანიჭოს გმირობის კვალიფიკაცია“, – აღნიშნა ჟურნალისტებთან თავდაცვის მინისტრმა.

აქვე შეგახსენებთ იმასაც, რომ საზოგადოებამ ამ ადამიანებს იმავე დღესვე მიანიჭა გმირის კვალიფიკაცია და ახლა ჯერი სახელმწიფოზეა – რა კვალიფიკაციას მიანიჭებს დაღუპულებს მთავრობა? პრეზიდენტმა განაცხადა რომ ეს იყო სამოქალაქო თავდადება. თუმცა, ყველას უნდა გვახსოვდეს, რომ ეს ადამიანები, პროფესიული მოვალეობის შესრულებისას დაიღუპნენ და შესაბამისად, მნიშვნელოვანია სახელმწიფოს მიერ მინიჭებული სტატუსი და შესაბამისი პენსია ოჯახებისთვის.